Unicode
" ထပ်တွေ့ပြန်ပြီနော် ...."
စိုင်းရှင်းယံ၏စကားအဆုံးတွင် နက္ခတ်ညီ၊ ခွန်စိုင်းမင်းရှန်နှင့် ဖြိုးသတ္တိလှိုင်တို့သည် လင်းကို ဝိုင်းကြည့်လာကြသည်။ ဖြိုးသတ္တိလှိုင်က လင်းကို ခြေဆုံးခေါင်းဆုံးကြည့်၍ဆိုသည်။
" မင်းရဲ့အသိလား ရှင်းယံ...."
" အင်း...အသိဆိုပါတော့ ဟိုတစ်ခါ မင်းကို milo...."
စိုင်းရှင်းယံက ဖြိုးကိုလက်ညှိုးထိုး၍ ဆိုခါနီးမှ တစ်ခုခုကို
သတိရသွားပုံနှင့် လက်ညှိုးကို သူ့ကိုယ်သူ ပြန်ထိုးလိုက်သည်။
" ငါ့ကို ဝင်တိုက်ပြီး မျက်မှန်ကိုတက်နင်းသွားတဲ့တစ်ယောက်....လင်းသုခတ်တဲ့ "
လင်း၏နှုတ်ခမ်းလွှာတို့ ပေါ့ပါ့ပါးပါးကော့တက်သွားပြီး သူတို့ကို ပြုံးပြလိုက်သည်။ နက္ခတ်ညီသည် လင်းကို ခပ်စူးစူးစိုက်ကြည့်နေ၏။ သို့ရာတွင် ထိုအကြည့်ကို မည်သူမှသတိမထားမိကြချေ။
ထိုအချိန်၌ ခွန်စိုင်းမင်းရှန်က ကြည်လင်တောက်ပသော
မျက်နှာဖြစ်သွားပြီး လက်နှစ်ဖက်ကိုဆန့်တန်း၍ လင်းဆီသို့ တည့်တည့်လာလေသည်။ လင်း လန့်သွားသည်။
ခွန်စိုင်းမင်းရှန်က ဘာထ,ဖြစ်တာလဲ....
လင်း အနားသို့ ခွန်စိုင်းရောက်လာခိုက်တွင်
လင်း မျက်လုံးအပြူးသားနှင့်သူ့ကိုကြည့်နေမိသည်။သို့သော် ခွန်စိုင်းက လင်းကို ကျော်သွားပြီး လင်း၏အနောက်မှ တစ်စုံတစ်ယောက်ဆီ ရောက်သွားသည်။
" မွေးနေ့ရှင်.... နင်က အခုမှရောက်တယ် "
ခွန်စိုင်း၏စကားအနောက်တွင် ရယ်သံလွင်လွင်လေးက ကပ်၍ ပါလာသည်။ လင်း လှည့်ကြည့်လိုက်သောအခါ
ပေါင်လယ်ထိတိုသော တဖျပ်ဖျပ်လက်နေသည့်ရွှေအိုရောင်ဂါဝန်လေးနှင့် ကျူးရင့်ဟန်သာကို တွေ့လိုက်ရသည်။
ကျူးရင့်က လင်းကို စူးစမ်းသည့်အနေနှင့် တစ်ချက်လှမ်းကြည့်ပြီးနောက် သူမ၏ နီရဲနေသောနှုတ်ခမ်းအလွှာ
အတန်ငယ်ပွင့်အာသွားသည် ကို တွေ့လိုက်ရသည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
