Unicode
ရှင်းယံ၏လက်ချောင်းများသည် လင်း၏အရှေ့ဆံပင်ကို
ပိုးမျှင်များအားထိကိုင်နေသည့်အလား နူးနူးညံ့ညံ့ထိတွေ့ပြီး နဖူးပေါ်သို့သပ်တင်လိုက်သည်။
လင်း အသက်မရှူမိ။ မျက်တောင်မခတ်မိ။ တုပ်တုပ်မှမလှုပ်မိ။ သူနှင့်ရှင်းယံတို့ အလွန်တရာနီးကပ်နေသည်။ ဒီထက်ပိုပြီးနီးကပ်လာအောင်လည်း ရှင်းယံရှေ့ပိုသို့တိုးလာသည်။
ရှင်းယံ၏ဖျော့မှိန်သောကိုယ်သင်းရနံ့မှာလှိုက်ခနဲ....
ပတ်ဝန်းကျင်တိတ်ဆိတ်နေသည်။ နာရီလက်တံတို့၏
တစ်ချက်ချက်မြည်သံကို ကြားရသည်။ Air con လေက အေးစိမ့်နေသည်။
အရာအားလုံးတိတ်ဆိတ်ငြိမ်သက်နေမှုက လင်း၏နှလုံးခုန်သံကို ပိုမိုကျယ်လောင်စေသည်။
ရှင်းယံက လင်း၏မျက်ဝန်းများကို အတန်ကြာသည်အထိငေးကြည့်နေ၏။ထို့နောက် သူ့၏နှုတ်ခမ်းနှစ်လွှာ ပွင့်ဟသွားသည်။
" မင်းရဲ့မျက်လုံးတွေက အညိုရောင်ပဲ ...."
ရှင်းယံက တစ်ခွန်းတည်းဆိုပြီး အနားမှခွာသွားသည်။
ထိုအခါမှ လင်း အသက်ရှူမိသည်။
" ဟုတ်တယ်...ကျွန်တော့်မျက်လုံးတွေက အနက်ရောင်
အစစ်ကြီးမဟုတ်ဘူး....ညိုတယ်"
" အညိုရောင်မျက်ဝန်းတွေကလှတယ်"
ရှင်းယံ ပြုံး၍ပြောပြီးနောက် အအေးခွက်ကိုမ,ယူပြီးသောက်နေသည်။ လင်းအသက်မပါစွာပြုံးလိုက်ပြီး
ခုထိခုန်နေဆဲဖြစ်သောရင်ကို တည်ငြိမ်အောင်ကြိုးစားနေသည်။
ရှင်းယံအနားကပ်လာတော့ သူဘာကိုမျှော်လင့်နေခဲ့တာလဲ...
အနမ်းတစ်ခုလား.....
ဒါဟာ ရုပ်ရှင်လည်းမဟုတ်။ နှစ်ယောက်သားက အပြန်အလှန်ကြိုက်နေခြင်းလည်းမဟုတ်။ တော်တော်ရူးနှမ်းတဲ့အတွေးတစ်ခုပဲ။
လင်း ကိုယ့်အတွေးနှင့်ကိုယ် ရှက်ရမ်းရမ်းရင်း စားပွဲပေါ်ရှိစာအုပ်များကို ကောက်ယူဖွင့်ကြည့်နေလိုက်သည်။
*********************************
နေမှာကျစ်ကျစ်တောက်ပူနေသော်လည်း ကတ္တရာလမ်းပေါ်ရှိကောင်လေးအုပ်စုမှာ တိမ်ဖုံး၍ လ,သာနေသည်ဟု ထင်မှတ်နေပုံပင်။ ခုနစ်ယောက်ရှိသောထိုအုပ်စုက ရှိန်းရှိန်းတောက်လျှံငြီးနေသော နေအလင်းရောင်အောက်၌
ချွေးတလုံးလုံးဖြင့် ပြေးလွှားနေကြသည်။ သူတို့၏ခြေထောက်ကြားထဲတွင် ဘောလုံးလေးမှာ ဟိုဘက်ပြေးလိုက်၊ ဒီဘက်ပြေးလိုက်နှင့်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
