Unicode
" အဲ့တော့ နင်က funfair နေ့ထိ စောင့်မယ်ပေါ့"
"အင်း..."
တိကျပြတ်သားသော လင်း၏အသံတွင် နိုးနိုး လေပူတစ်ချက် မှုတ်ထုတ်မိလိုက်သည်။ ညာဘက်လက်တွင်ကိုင်ထားသော ဖုန်းကို ဘယ်ဘက်လက်သို့ပြောင်းကိုင်လိုက်ပြီး ဖွင့်မပြောပေမယ့် ခံစားနေရမှန်းသိသာသော သူငယ်ချင်း၏အသံကို ဆက်လက်နားစွင့်နေသည်။
" တစ်လကျော်တောင် လိုသေးတယ်...."
" တစ်လကျော်ဆိုတာ မျက်စိတစ်မှိတ်အတွင်းကုန်သွားမှာပါဟာ..."
" နင် အဆင်ပြေတယ်မလား...လင်း..."
" မပြေလည်း ပြေရမှာပဲကို...ရှင်းယံက ဖုန်းလည်းမသုံးတော့ဘူး...ကျောင်းလည်း တက်တော့မှာမဟုတ်ဘူး...အဲ့တော့ Funfair နေ့ရောက်မှ မျက်နှာချင်းဆိုင်တွေ့လို့ရတော့မှာလေ...ပြီးတော့ ငါအလျင်မလိုပါဘူးဟာ....အေးဆေးပေါ့....အချိန်တစ်ခုထိ စိတ်ရှည်လက်ရှည်စောင့်ပြီးရင် အားလုံးအဆင်ပြေသွားမှာ....."
" လင်းရယ်.....ငါတို့ရဲ့ ဒီစာသင်နှစ်တစ်နှစ်လုံး...
စိုင်းရှင်းယံကို စောင့်နေခဲ့တာပဲ"
" ဒီလိုပဲ...လူတွေကချစ်မိသွားရင် စောင့်ဆိုင်းကြတယ်ထင်ပါရဲ့...အရင်ခေတ်တုန်းကလူတွေလို သုံးနှစ်သုံးမိုး စောင့်ခိုင်းတာထက်စာရင် တော်သေးတာပေါ့.... "
အက်ကွဲသောရယ်သံအချို့က ရင်ထဲကလား၊ ဟန်ဆောင်တာလား တော့ နိုးနိုးမသိ။ လင်းက ဘယ်အရာမဆို အကောင်းဘက်က လှည့်မြင်တတ်တာမို့ လင်းအဆင်မပြေဖြစ်မှာတော့ သိပ်စိုးရိမ်စရာမလိုပါ။
" နင်ပြောသလိုပဲ....အချိန်တစ်ခုထိစောင့်ဆိုင်းရမှာပေါ့...."
" ကျေးဇူးပဲ နိုးနိုး....နင်မရှိရင် ငါ ဒီအခြေအနေထိရောက်လာမှာတောင်မဟုတ်ဘူး....နောက်မို့ဆို ကျောင်းပြီးတဲ့အထိ စိုင်းရှင်းယံကိုဒီတိုင်းငေးကြည့်ရင်းနဲ့ လုံးဝ တိတ်တခိုးပဲဖြစ်နေခဲ့မှာ.. "
" ရပါတယ်ဟာ"
" ငါ ဖုန်းချလိုက်တော့မယ်နော်...."
" အင်း အင်း...bye...."
ဖုန်းကျသွားသည်။ ဖုန်း၏ အနက်ရောင်မျက်နှာပြင်ပေါ်
နိုးနိုး ခပ်ဆွေးဆွေးစိုက်ကြည့်ရင်း...
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
