Unicode
" ငါတော့ ဒီတိုင်း မနေနိုင်ဘူး"
ထမင်းစားနေတုန်း အရင်းမရှိ၊ အဖျားမရှိ ထ,ပြောသော
နိုးနိုးစကားကြောင့် အားလုံး သူ့ကိုလှည့်ကြည့်လိုက်ကြသည်။ နိုးနိုးသည် တင်းမာသောမျက်နှာထားနှင့် အံကြိတ်နေပြီး လက်ထဲက ဇွန်းကို လင်းဘက်သို့ ထိုးလိုက်သည်။
" နင် ..."
လင်းကို မျက်လုံးကြီးပြူးပြီးပြောနေသောကြောင့် လင်းလည်း နိုးနိုးကို ကြောင်တောင်တောင်နှင့် ပြန်ကြည့်နေမိသည်။
" အဲ့လိုပဲ ငေးကြည့်နေတော့မှာလား...."
" ဘာကိုလဲ..."
" စိုင်းရှင်းယံကိုလေ..."
" အဲ့လို မလုပ်လို့ ငါက ဘာလုပ်ရမှာလဲ"
" နည်းနည်းပါးပါး ကြိုးစားသင့်တာပေါ့"
"ဟိုက ငါ့တောင်သိတာမဟုတ်ဘူး"
" မသိရင် သိအောင် လုပ်သင့်တာပေါ့"
"ဘယ်လိုသိအောင်လုပ်ရမှာလဲ..."
" နည်းလမ်းတစ်ခုခုတော့ရှိမှာပဲလေ..."
နိုးနိုးနဲ့ လင်း အချီအချပြောနေသည်ကို ကျန်သူများက
ဟိုဘက်ကြည့်လိုက်၊ဒီဘက်ပြန်ကြည့်လိုက်နှင့် ပွဲကြည့်ပရိသတ်များ လုပ်နေကြသည်။
"မဖြစ်နိုင်ပါဘူးဟာ..."
" ဘာလို့မဖြစ်နိုင်ဘူးလို့ စွတ်ပြောနေရတာလဲ..."
" ဒါဆို နင်ပြောကြည့်...ငါက သူ့လိုပြီးပြည့်စုံတဲ့လူကို ဘယ်လိုနည်းနဲ့ သွားကြိုးစားကြည့်ရမှာလဲ"
" နည်းလမ်းကတော့ စဉ်းစားကြည့်ရမှာပေါ့..."
" လုံးဝမဖြစ်နိုင်တာ သေချာတယ်"
"ငါမေးတာ အမှန်တိုင်းဖြေ...လင်း..."
နိုးနိုးက လေသံကို အတန်ငယ်နူးညံ့လိုက်သည်။
" နင် စိုင်းရှင်းယံကို တကယ်သဘောကျတယ်မလား..."
" အင်း...သဘောကျတယ်"
လင်း မဆိုင်းမတွပင် ပြန်ဖြေ၏။
" ဒါဆို...နင် ကြိုးစားကြည့်သင့်တယ်လို့ ငါထင်တယ် "
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
