Unicode
လင်း၏အိမ်နေရင်းစတိုင်လ်သည် မြင်သူတကာ
ငေးသွားရပေမည်။ တီရှပ်က ဖိုးရိုးဖားရား၊ ကာတွန်းရုပ်များနှင့် JJ ဘောင်းဘီ၊ အရေးထဲ မီးမီးက ရှင်မတောင်သနပ်ခါးအစစ်၊ အသားအရေအတွက်ကောင်းတယ်ဆိုပြီး မျက်နှာမှာလိမ်းပေးသွားသေးသည်။ ဒါကြောင့် မျက်နှာမှာပါးကွက်ဘဲကြားနဲ့။ ဆံပင်များကြောင့် မျက်စိဆံပင်မွှေးစူးကာ စိတ်ရှုပ်သဖြင့် နဖူးပေါ်က
ဆံပင်တွေကိုလည်း ကြက်တောင်စည်း စည်းထားသေးသည်။ ထိုသို့ပုံစံနှင့် လင်းသည် အမေမှာသော ဆပ်ပြာဘူး၊အဘွားမှာသော အအေး၊ မီးမီးမှာသော ဖုန်းဘေကတ်တို့ကို ဆိုင်တွင်လာဝယ်ရသည်။
မှာလိုက်သောပစ္စည်းများကိုဝယ်ပြီးနောက် ဆိုင်ထဲမှထွက်ခဲ့သည်။
ကားတစ်စီးသည် လင်း၏အနောက်တည့်တည့်မှ ပြေးလာလေ၏။ လင်းက လမ်းအလယ်တည့်တည့်တွင်ဖြစ်နေပြီး အနောက်မှကားလာနေကြောင်း သိလိုက်သည်နှင့်တစ်ပြိုင်နက် ရှောင်ရန်ပြင်လိုက်ပါသေးသည်။ သို့သော် ခြေခေါက်ကာ ကားအရှေ့တည့်တည့်ချော်လဲလေသည်။ ကားက တိခနဲဘရိတ်အုပ်လိုက်လို့သာ တော်တော့သည်။
" လမ်းကျဉ်းကျဉ်းလေးထဲကို ပြိုင်ကားနဲ့အသားကုန်မောင်းလာရသလား"
လင်း ဒေါသထွက်ထွက်နှင့် အရင်အော်လိုက်၏။ ကားပေါ်မှလူ ကမန်းကတန်းပြေးဆင်းလာသည်။
" အဆင်ပြေရဲ့လား..."
ကားပေါ်မှလူကိုမြင်သောအခါ လင်း မျက်လုံးပြူးသွားသည်။
" ကိုကြီးနက္ခတ်..."
နက္ခတ်က သနပ်ခါးအပြည့်လိမ်းထားသော လင်းကို အတန်ကြာစိုက်ကြည့်နေသည်။ ပြီးနောက် မျက်နှာသည် ပြုံးသွားကာ...
" လင်း....ငါ...မင်းကို မှတ်တောင်မမှတ်မိဘူး...."
ဟုဆိုရင်း လင်းကိုဆွဲထူပေးလေသည်။ ပြီးနောက် မြေကြီးပေါ်ကျသွားသော ဆပ်ပြာဘူးကို ကောက်ပေးသည်။
" နာသွားသေးလား..."
" ရပါတယ်..."
လင်း မျက်နှာဆူပုတ်၍ဖြေလိုက်သည်။ နက္ခက်က လင်းကို ပြုံးဖြီးဖြီးမျက်နှာနှင့် စိုက်ကြည့်နေသည်။
KAMU SEDANG MEMBACA
Loving Out Loud
Romansaလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
