Unicode
နက္ခတ်ချိန်းဆိုထားသော ကော်ဖီဆိုင်ငယ်ရှေ့သို့ လင်း,ရောက်ရှိခဲ့သည်။ သို့သော် လင်း,မထင်မှတ်ထားသည့်အရာမှာ နိုးနိုးပါ ထိုဆိုင်ရှေ့သို့ ရောက်ရှိနေခြင်းဖြစ်သည်။ နှစ်ယောက်သားသည် တစ်ယောက်ကိုတစ်ယောက် လက်ညှိုးထိုးရင်း တိုက်ဆိုင်မှုကို တအံ့တသြဖြစ်မိကြ၏။
" နင် ဒီကိုဘာလာလုပ်တာလဲ..."
နိုးနိုး၏အမေး ဖြစ်သည်။
" ငါ နက္ခတ်နဲ့ချိန်းထားလို့လာတာ...နင်ကရော.."
" ငါ့ကို မမကျူးရင့်က လှမ်းခေါ်လို့....ပြောစရာရှိလို့ဆိုတာနဲ့ ငါလည်းလာတာ...."
ဒါဟာ ရိုးရိုးတန်းတန်း တိုက်ဆိုင်မှုတော့မဖြစ်နိုင်ကြောင်း နှစ်ယောက်စလုံး တွေးတောမိကြသည်။
" တစ်ခုခုတော့ တစ်ခုခုပဲ..."
နိုးနိုးမှ ကောက်ချက်ချကာ နှစ်ယောက်အတူတူ ဆိုင်ထဲသို့
ဝင်သွားကြသည်။ ထင်သည့်အတိုင်းပင် ဆိုင်ထဲတွင်
ကျူးရင့်နှင့် နက္ခတ်မှာ အတူတူထိုင်နေကြသည်။
" လင်းနဲ့နိုးနိုး...လာ ဒီကိုလာ..."
ဆိုင်ထဲဝင်လာသော လင်းနှင့်နိုးနိုးကိုမြင်သည်နှင့်
ကျူးရင့်က လှမ်းခေါ်သည်။ နိုးနိုးက ကျူးရင့်နှင့် မျက်နှာချင်းဆိုင်၌ ဝင်ထိုင်လိုက်၍ လင်းက နက္ခတ်ရှေ့တွင် ထိုင်သည်။
နက္ခတ်သည် လင်းကိုမကြည့်ဘဲ မျက်လုံးချင်းမဆုံမိအောင် ရှောင်လွှဲနေသည်။
" မမက ပြောစရာရှိလို့ဆို...နိုးကိုရော..လင်းကိုရော
နှစ်ယောက်လုံးကိုပြောရမယ့် စကားများလား..."
နိုးနိုးမေးသောအခါ ကျူးရင့်ကပြုံး၍....
" အေးဆေးပေါ့ကွယ်...စားရင်းသောက်ရင်း ဖြည်းဖြည်းချင်း ပြောကြတာပေါ့..."
ဟုဆိုလေသည်။ ထိုအခိုက်၌ စားပွဲထိုးရောက်လာသောကြောင့် နိုးနိုးက chocolate တစ်ခွက်မှာသည်။
လင်းကတော့ "ဘာမှမသောက်တော့ဘူး" ဟုသာဆို၏။
" နှစ်ယောက်လုံးကို ခေါ်လိုက်တာက အကြောင်းစုံကိုရှင်းပြချင်လို့ပါ....မင်းတို့မသိအောင် မမတို့ဖုံးကွယ်ထားတဲ့
ကိစ္စတွေက သိပ်များနေတယ်....အခုတော့ အဲ့တာတွေ
အားလုံးကို ပြောပြဖို့အချိန်တန်ပြီလို့ထင်တယ်...."
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
