Unicode
အရာအားလုံး ဘယ်အချိန်က စတင်ပြီးလွဲချော်ခဲ့ပါသလဲ။
ကိုယ့်ကိုချစ်လာဖို့ အဲ့ဒီ့ကောင်လေးကို မျှော်လင့်ချက်ပေးလိုက်တဲ့ အချိန်ကလား။ အဲ့ဒီ့ကောင်လေးဆီက ရှောင်ထွက်ပြေးခဲ့တဲ့အချိန်ကလား။ အားတင်းလာခဲ့တဲ့ သတ္တိတွေအားလုံးအငွေ့ပြန်ပြီး သူရဲဘောကြောင်ခဲ့တဲ့အချိန်ကလား။
ဒါမှမဟုတ်....
အဲ့ဒီ့ကောင်လေးရဲ့ မျက်ရည်ဝဲတဲ့မျက်ဝန်းတွေကို လျစ်လျူရှုခဲ့တဲ့အချိန်ကလား။
ဟုတ်ပါတယ်လေ။
အဲ့ဒီ့ကောင်လေးရဲ့ မျက်ရည်တွေကိုလျစ်လျူရှုပြီး
အဲ့ဒီ့ကောင်လေးရဲ့ နာကျင်မှုတွေကို မျက်ကွယ်ပြုခဲ့တဲ့
အချိန်ကစပြီး လွဲခဲ့တယ်လို့ ဆိုပါရစေ။
" ကျွန်တော် ကိုကြီးကိုချစ်တာမို့လို့ ကိုကြီးဘက်ကလည်း ကျွန်တော့်အပေါ်ဘယ်လို ခံစားချက်ထားလဲ သိချင်တယ်...ကိုကြီးဘက်က အချိန်လိုတယ်ဆိုရင် ကျွန်တော်စောင့်နိုင်ပါတယ်...ကိုကြီးကို ကျွန်တော် အကြာကြီးစောင့်ပြီးပြီမို့လို့ ထပ်ပြီးစောင့်နိုင်ပါတယ်..."
ထိုစကားကိုပြောဆိုနေခိုက်တွင် ခတ်၏မျက်ဝန်းများဟာ သာမန်ထက်ပို၍ ဝိုင်းစက်ရွှန်းစိုနေခဲ့သည်။ ခတ်၏မျက်ဝန်းညိုများက သူ့အတွက် အစဉ်တစိုက်လှပခဲ့၏။ ယခုလို မျှော်လင့်ချက်ဖြင့် တဖျပ်ဖျပ်လက်နေသောအခါများတွင် ထိုမျက်ဝန်းညိုများ၏ ဆွဲငင်ညှို့ယူမှုကို သူပိုမိုခံစားမိသည်။
ခတ်၏လက်ဖျားများတုန်နေသည်။ စိတ်လှုပ်ရှားလို့ထင့်။
ခတ်၏ပါးများနီမြန်းနေသည်။ ရင်ခုန်နေ၍ထင့်။
သူ ခတ်ကိုပွေ့ဖက်လိုက်ချင်သည်။ တုန်ယင်နေသောခတ်ကို ပွေ့ဖက်၍ စကားလုံးများအစား အပြုအမူနှင့် သူ၏အဖြေကို ပြန်လည်ပေးအပ်လိုက်ချင်သည်။
တစ်ခါလောက် သူ၏စိတ်ကိုလွတ်လပ်ပေးလိုက်ချင်သည်။ စိုးရိမ်ပူပန်မှုများမရှိဘဲ၊ အတွေးရိုင်းအတွေးစိုင်းများ မရှိဘဲ၊ မိသားစု၏တွန်းအားမရှိဘဲ၊ ကြောက်လန့်ချောက်ချားမှုတို့မရှိဘဲ....
တစ်ခါလောက်ဖြစ်ဖြစ် စိတ်ထဲရှိတဲ့အတိုင်း ပြုမူဖူးချင်သည်။
VOCÊ ESTÁ LENDO
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
