Unicode
" အားလုံး ....ခဏနားမယ်ဟေ့...."
နည်းပြ၏စကားအဆုံးတွင် ဘောလုံးကွင်းအပြင်ဘက်သို့ နက္ခတ်ညီ ပြေးထွက်လာသည်။ ဘောလုံးကွင်းအပြင်ဘက်ရှိ ခုံပေါ်၌ လင်းသုခတ်တစ်ယောက် ငုတ်တုပ်လေးထိုင်၍ သူ့ကိုစောင့်နေ၏။ နက္ခတ် သူ့အနားကိုရောက်တော့ မတ်တပ်ထ,ရပ်သည်။ နက္ခတ်ညီက ခုံပေါ်တွင် တင်ထားသော ရေဘူးကိုယူ၍ သောက်မည်ပြုလိုက်သည်။
" မသောက်နဲ့ဦး....နေပူထဲကနေ အမောတကောနဲ့ပြေးလာပြီး ချက်ချင်းရေအေးသောက်လိုက်ရင် ဦးနှောက်သွေးကြောပြတ်လိမ့်မယ်"
လင်း၏စကားကြောင့် ရေဘူးကို နက္ခတ်ပြန်ချလိုက်ပြီး
ခုံပေါ်တွင် ဝင်ထိုင်လိုက်သည်။ လင်းက သူ့ကို တစ်ရှူးတစ်ထုပ်ကမ်းပေးသည်။ နက္ခတ် တစ်ရှူးကိုယူပြီး ချွေးသုတ်လိုက်သည်။
"မင်းက ဒီကိုလာတာ ဘာကိစ္စလဲ..."
" စာအုပ်ပြန်လာပေးတာ... အကုန်ကူးပြီးပြီ...စာက နည်းနည်းလေးကို ဘာလို့ ကျွန်တော့်ကို တကူးတက ကူးခိုင်းနေတာလဲ"
လင်း ကမ်းပေးသောစာအုပ်နှစ်အုပ်ကို နက္ခတ်ယူလိုက်သည်။ သူ ဘာမှပြန်မပြောဘဲ အမောဖြေနေသည်။ ခဏနေမှ
ရေဘူးကို မြှောက်ပြကာ.....
" အခု ရေသောက်လို့ရပြီလား...."
" ရပြီ...သောက် "
" စာကူးပေးလို့ ကျေးဇူးပဲ.....ဘောလုံးပွဲက နောက်အပတ် တနင်္လာနေ့ လုပ်မှာ...လာအားပေးဦး...."
" ဆရာမတွေ လွှတ်မှ လာလို့ရမှာပေါ့....."
"သူတို့လွှတ်မှာပါ.....မင်းကသာ သေချာပေါက်
ငါ့ကို လာအားပေး...."
"ကျွန်တော်အားပေးရင် နိုင်မှာလား....ကိုကြီးသာ ဘောလုံးကို သေချာကန်...."
" ငါက အားလုံးထဲမှာ အတော်ဆုံးပဲ...."
" တော်စမ်းပါ....."
နက္ခတ် ရယ်သည်။ သူ လင်းကို မျက်စောင်းထိုးကြည့်လျက် ရယ်ကျဲကျဲနှင့်ပြောသည်။
" မယုံဘူးလား...ငါက ဂိုးသွင်းကောင်းတယ်...."
လင်း သူ့ကို မျက်လုံးစင်း၍ကြည့်လိုက်သည်။ ထို့နောက်
သူ့ဘေးတွင် ဝင်ထိုင်လိုက်သည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
