Unicode
" အဲ့တော့ White က နင့်ကိုနှင်းဆီပန်းပေးတယ်ပေါ့...
နင့်အိမ်ကိုသူဘယ်လိုသိတာလဲ"
နိုးနိုး တအံ့တဩဖြင့်ရေရွတ်သောကြောင့် သူမ၏အသံမှာ နဂိုထက် ပို၍ကျယ်လောင်နေသည်။ လင်းသည် White ချန်ခဲ့သောစာလေးကို ဂရုတစိုက်ခေါက်နေရင်း....
" အင်း...ငါလည်း အဲ့ကိစ္စအံ့သြနေတယ်"
ဟု ပြန်လည်ပြောဆိုသည်။ ဗညားက လင်း၏ပခုံးကို
လက်တင်လိုက်လျက်...
" မင်း...White ကိုမေးကြည့်လေ "
ဟုပြောရာ လင်းက သက်ပြင်းချလိုက်ပြီး ခေါင်းခါသည်။
" ငါ သူ့ကိုစာပို့လိုက်တယ်....အစ်ကို ကျွန်တော့်အိမ်ကို
ဘယ်လိုသိတာလဲဆိုပြီးတော့...ဒါပေမဲ့ သူစာမပြန်ဘူး..."
" White က လင်းကိုကြိုက်နေတယ်ဆိုရင် သူ လင်းကို
အပြင်မှာ မြင်ဖူးလို့ပဲ....ဒါမှမဟုတ် အစတည်းက လင်းကိုသိနေတာများလား....သူက လင်းရဲ့နောက်ကို အရင်တည်းက လိုက်နေတာဆိုရင်ရော..."
ရိပ် တွေးတွေးဆဆပြောသည်။ တစ်ဆက်တည်းမှာတင်...
" အဲ့လိုဆို ကြက်သီးထစရာကြီး..."
ဟုညည်းညူလိုက်သည်။ ထိုအခါ လင်းဘက်က ဝင်ပြောလာသည်။
" တကယ်တော့ သူငါ့ကိုစိတ်ဝင်စားသလိုလိုပြောနေတာ
ကြာလှပြီ... အဲ့နေ့က မှတ်မှတ်ရရ ကိုကြီးနက္ခတ်
ဘောလုံးပွဲနိုင်တဲ့နေ့ပဲ...White ဆီကနေ ညီလေးရှေ့ကို
အစ်ကိုထွက်လာခဲ့မယ်ဆိုတဲ့စာရခဲ့တယ်....အဲ့စာက
ပထမဆုံး love White လို့ရေးခဲ့တဲ့စာပဲ....အဲ့စာပို့ပြီးတဲ့
နောက်ပိုင်းမှာ White နဲ့ငါ စကားသိပ်မပြောဖြစ်တော့ဘူး...ငါက ရှင်းယံနဲ့အဆင်ပြေနေတော့ သူ့ကိုသိပ်သတိမရတော့တာ...."
လင်း၏စကားအဆုံးတွင် နိုးနိုးက လင်း၏ခေါင်းကို
ဖြတ်ခနဲရိုက်လိုက်သည်။
" သေနာကောင်...White ကအဲ့လိုစာပို့ခဲ့တာကို ငါ့ကို
ဘာလို့မပြောတာလဲ....ဒီmission မှာငါက ဥက္ကဋ္ဌနော်...
နင် ငါ့ကိုအကုန်ပြောထားရမှာလေ..."
" ဆောရီး...ငါလည်း နင့်ကိုပြောမယ်ဆိုပြီး မေ့သွားတယ်"
နိုးနိုးသည် သက်ပြင်းတစ်ချက်ချကာ မေးစေ့ကို
ပွတ်၍ စဉ်းစားနေသည်။ ထို့နောက် မေးသည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
