Unicode
" ကိုယ်....လင်းကိုနမ်းလို့ရလား...."
လင်း,ကိုယ်လေး တွန့်ခနဲဖြစ်သွားသည်။ လင်းကို စိုက်ကြည့်နေသော နက္ခတ်သည် မျှော်လင့်ချက်အပြည့်နှင့်ဖြစ်နေ၏။
လေထုသည် ရုတ်တရက်ပူနွေးလာသည်။ ထို့အပြင်
ပို၍ သက်တောင့်သက်သာမရှိ ဖြစ်လာသည်။
နက္ခတ်ထံမှ အရက်နံ့ဖျော့ဖျော့ သင်းနေသည်။ နက္ခတ်၏
ပူနွေးသောလက်က လင်း၏ပါးကို နူးညံ့စွာ မထိတထိကိုင်ထားသည်။ ကားထဲတွင် မီးမဖွင့်ထား။ ဓာတ်တိုင်မှရသော အလင်းမှိန်မှိန်ကသာ ကားထဲသို့ယိုစိမ့်ဝင်နေသဖြင့် နက္ခတ်နှင့်လင်းကြားတွင် အလင်းရောင်မှာ မှုန်ဝါးနေသည်။
သို့သော် အလင်းရောင်မှာ နက္ခတ်၏မျက်လုံးတောက်တောက်များနှင့် နွေးအိသောနှုတ်ခမ်းတို့ကိုတော့ မြင်နိုင်ရန်လုံလောက်ပါသည်။
လင်း၏ ခေါင်းထဲတွင်အတွေးတစ်ခုသာရှိတော့သည်။
ဘယ်လိုလုပ်ရမလဲ......
အနမ်းတစ်ခုဆိုတာ အများကြီး ကြီးကျယ်ခမ်းနားတဲ့အရာတစ်ခုတော့မဟုတ်ပါ။ သို့သော် လင်းစိတ်ကူးယဉ်ခဲ့ဖူးသည့် အနမ်းက ဒီလိုမျိုးတော့မဟုတ်။ ပထမဆုံးအနမ်းကို ချစ်တဲ့သူကိုပဲ ပေးမယ်လို့ တွေးထားခဲ့ဖူးသည်။
ချစ်တဲ့သူ...ချစ်တဲ့သူ.....
နှစ်ခါပြန်တွေးစရာမလို။ စိုင်းရှင်းယံကို ပထမဆုံးအနမ်း ပေးချင်ခဲ့တာ မဟုတ်လား။
ဒါဆို နက္ခတ်ကရော။ နက္ခတ်ကို လင်း မချစ်ဘူးလား။
ချစ်အောင်ကြိုးစားမယ်လို့ပြောခဲ့တာလည်း လင်းပဲ။
အခုလို ချစ်သူအဖြစ် လက်ခံလိုက်တာလည်း လင်းပဲ။
နက္ခတ်ကို မျှော်လင့်ချက်ပေးပြီးချည်နှောင်လိုက်တာလည်း လင်းပဲ။
နက္ခတ်က အခု လင်းရဲ့ကောင်လေးဖြစ်နေပြီ။
ချစ်သူတစ်ယောက်အနေနှင့် သူနမ်းပိုင်ခွင့်ရှိပါတယ်။
ဒါပေမယ့် ဘာလို့လင်းက လက်မခံချင်ရတာလဲ။
လင်းက ဘာဖြစ်လို့ ဒီအချိန်မှာတခြားသူတစ်ယောက်ကို
မျှော်လင့်နေရတာလဲ။
မင်းက တစ်ကိုယ်ကောင်းဆန်တဲ့သူပဲ...လင်းသုခတ်။
နက္ခတ်ကို မင်းအားနာသင့်နေပြီ။ နက္ခတ်ဘက်ကို မင်းနည်းနည်းလေးမှ မစဉ်းစားပေးတော့ဘူးလား။
ESTÁS LEYENDO
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
