Unicode
စားသောက်ဆိုင်မှအပြန်တွင် ရှင်းယံထံမှ
" အစ်ကိုနဲ့ လိုက်ခဲ့လေ...အိမ်ပြန်ပို့ပေးမယ်...."
ဟူသောစကားသည် လင်းကို ကြည်နူးပျော်ရွှင်သွားစေသည်။ ဒီတစ်ခါ နက္ခတ်နှင့်ရှင်းယံဝိုင်းမလုတာကို ကျေးဇူးတင်ရမည်။ ရှင်းယံက ဒီတစ်ခါ ထူးထူးခြားခြားဖြင့် Driver မပါလာဘဲ ကားကို သူကိုယ်တိုင်မောင်းလာသည်တဲ့။
Driver မပါတော့ပိုကောင်းသည်။
ရှင်းယံနှင့် နှစ်ယောက်တည်းအတူ ရှိရမည်မဟုတ်ပါလား။
ရှင်းယံက ကားစရီယာရင်ရှေ့တွင်ထိုင်ပြီး ခါးပတ်,ပတ်နေသည်။ လင်းလည်း ခါးပတ်ကြိုးကိုဆွဲလိုက်ပါသေးသည်။ နောက်မှ ရုပ်ရှင်ထဲတွင် တွေ့ရဆုံးသော ဇာတ်ဝင်ခန်းတွေကို သွားသတိရမိသည်။
" ခါးပတ်ကြိုးက ကျပ်နေတယ်ထင်တယ်...."
မုသားလေးနှင့်ပြောရင်း သရုပ်ဆောင်မှုအတန်ငယ်ထည့်ရသည်။ ကြိုးကို အားမရှိစွာဆွဲပြရင်း တကယ်ကျပ်နေသလို ဟန်ဆောင်ရသေးသည်။
တကယ်တမ်းဖြစ်သင့်သည်က ရှင်းယံက လင်းဘက်ကို တိုးကပ်လာပြီး ကြိုးကိုကူဆွဲပေးရမည်။ ထိုမှသာ ရှင်းယံနှင့်လင်းတို့ မျက်နှာချင်း သိပ်ကိုနီးကပ်သွားလိမ့်မည်။
သို့သော် ရှင်းယံက တစ်ချက်သာလှမ်းကြည့်ပြီး
အေးတိအေးစက်အသံနှင့်...
" ဟုတ်လား...." ဟူသော တစ်ခွန်းထဲ။
" ကြိုးက တကယ်ကျပ်နေတာနော်..."
" အားထည့်ပြီးဆွဲကြည့်လိုက်လေ...."
ရှင်းယံ ကားစက်နှိုးနေသည်။ လင်း၏ ဉာဏ်ဆင်မှုဂွင်ထဲ
မရောက်လာသဖြင့် စိတ်ထဲညစ်မှိုင်းသွား၏။
"မလုပ်ပေးလဲ နေတော့ဟာ" ဟု စိတ်ပေါက်ပေါက်ဖြင့်
တွေးရင်း ကြိုးကိုဆွဲပြီး ပတ်လိုက်သည်။
" ရသွားပြီပဲ...."
ရှင်းယံ၏စကားကြောင့် လင်းမျက်မှောင်ကြုတ်မိသည်။
ရှင်းယံက ကားကို စတင်မောင်းထွက်လိုက်၏။
ရှင်းယံ၏ လက်ချောင်းရှည်ရှည် ဖြူဖြူသွယ်သွယ်လေးများက စတီယာရင်ကိုကိုင်ထားသည်ကိုမြင်ရသည်မှာ သိပ်ကို ဆွဲဆောင်မှုရှိသည်ဟု ထင်မိသည်။
ESTÁS LEYENDO
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
