Loving Out Loud

Ep - 12

Unicode

အိပ်ရာမှနိုးနိုးချင်း ပထမဆုံးလုပ်မိသောအရာသည်
ဖုန်းကို ဖွင့်လိုက်ခြင်းပင်ဖြစ်သည်။ အင်တာနက်ဖွင့်လိုက်သည်နှင့် group chat ထဲမှ နိုးနိုး၏စာ အရင်ဦးစွာရောက်နေ​၏။

နိုးနိုး : oh my god ! လင်းရေ....

ဟူသော စာနှင့်အတူ ပုံတစ်ပုံပို့ထားသည်။ ပို့ထားသောပုံသည် စိုင်းရှင်းယံတင်ထားသော post တစ်ခုကို screenshot ရိုက်ထားခြင်းဖြစ်သည်။ ယင်း postမှာ

You're just too good to be true
Can't take my eyes off you

ဟူသော Caption နှင့်အတူ စိုင်းရှင်းယံ​၏ပုံအချို့ဖြစ်သည်။

စိုင်းရှင်းယံ၏ပုံများက သင်္ဘောပေါ်တွင်ရိုက်ထားသောပုံများဖြစ်သည်။ အတိအကျပြောရလျှင် လင်းရိုက်ပေးထားသောပုံများဖြစ်သည်။ ထို့နောက် caption ၏ အောက်တွင်

📷 - Linn Thu Khat

ဟု Mention ထားသည်ကို တွေ့လိုက်ရသည်။

လင်း ကျေနပ်အားရဖြစ်သွားပြီး ဝမ်းသာစိတ်မှာ ငယ်ထိပ်တက်ဆောင့်သွားသည်။ ချက်ချင်းပင် Facebook ထဲဝင်ကြည့်သောအခါ 'Sai Shin Yan mentioned you' ဟူသော notification လေးကို အပေါ်ဆုံးတွင်တွေ့ ရသည်။

မနက်ခင်းလေးသည် ကောင်းသောကျက်သရေအဖြာဖြာနှင့် ပြည့်စုံသွား​၏။လင်းပြုံးစိစိဖြစ်ရင်း group chat ထဲသို့ စာပြန်ပို့လိုက်သည်။

လင်း : မိုက်တယ်မလား

ရိပ် : caption က can't take my eyes off you တဲ့ ။ ပြီးတော့ ဓာတ်ပုံရိုက်ပေးတာက လင်းဆိုတော့
SSY က လင်းကို ရည်ညွှန်းပြီးပြောတာများလား😮

သုတ : အဲ့တာ သီချင်းစာသားပါ...ဒီတိုင်း caption အနေနဲ့ ရေးထားတာ ဖြစ်မှာပါ

နိုးနိုး : ဘာပဲဖြစ်ဖြစ် လိုရာဆွဲတွေး တို့အရေးပဲ
SSY နဲ့ပတ်သတ်ပြီး လင်းရဲ့အခြေအနေကောင်းနေပြီ!

******************************

" အခုဆိုရင် စိုင်းရှင်းယံက လင်းကို တော်တော်လေး
သိသွားပြီ.....ငါတို့က ဒါကို ထပ်ဆင့်ပြီး အချောသတ်ပေးဖို့လိုတယ် "