Unicode
" ငါတို့ဘာဆက်လုပ်ကြမလဲ ကျူးရင့်..."
ဖုန်းမှထွက်ပေါ်လာသော နက္ခတ်ညီ၏အသံသည်
လေးနက်တည်ငြိမ်နေ၏။ ကျူးရင့်သည် ဘယ်လက်ဖြင့်
ဖုန်းကိုင်ထားရင်း ဆံပင်ကိုညာလက်နှင့်သပ်တင်လိုက်သည်။
" ဘာကိုပြောတာလဲ...."
" လင်းသုခတ်နဲ့ ပတ်သတ်ပြီးတော့....ဘာဆက်လုပ်ကြမလဲ"
" မသိဘူးလေ...အဲ့တာနင့်အပိုင်းပဲ...ငါ မပါဘူး..."
" ဒီအကြံကို စ,ပေးတာ နင်နော် ...."
ကျူးရင့်သည် သူမ၏ခြောက်သွေ့နေသော
ပန်းနုရောင်နှုတ်ခမ်းကို လျှာဖြင့်သပ်လိုက်သည်။
" ခွန်စိုင်းကို မြှောက်ပေးလိုက်...သူက ရိပ်မျက်ခြယ်ကို
ကြိုက်နေတော့ ရိပ်မျက်ခြယ်နဲ့ အပြင်တွေဘာတွေ
ထွက်ခွင့်ရဖို့ ကြိုးစားနေမှာပဲ....ရိပ်မျက်ခြယ်ပါရင် သူ့အဖွဲ့ ပါလာလိမ့်မယ်..."
" ငါက လင်း အနားမှာနေဖို့ပဲ...ဟုတ်တယ်မလား..."
" ဟုတ်တယ်....နင်သေချာ လုပ်ဖို့တော့ လိုတယ်..."
"ငါသေချာလုပ်ပါတယ်...ဒါပေမဲ့ ငါ လင်းအနားမှာနေရင်ရော...ရှင်းယံဘက်က ငါ့အပေါ်သေသေချာချာတုံ့ပြန်လာပါ့မလား..."
" ဒါကတော့...စောင့်ကြည့်,ကြည့်ပေါ့...."
ကျူးရင့်သည် ထိုစကားကိုဆိုရင်း နံရံတွင် ကပ်ထားသော
ဓာတ်ပုံကိုလှမ်းကြည့်လိုက်သည်။
ထိုပုံသည် ကျူးရင့်၊ နက္ခတ်ညီ၊ ရှင်းယံ၊ ခွန်စိုင်းနှင့်
ဖြိုး တို့အတူတူရိုက်ထားသော ဓာတ်ပုံပင်။ ထိုပုံထဲတွင် ကျူးရင့်တို့အားလုံး ပြုံးရယ်နေကြသည်။
*************************************
"ဒါပြီးရင်...နှစ်ခုလုံးကိုညီမျှခြင်းချပြီး ဆက်တွက်လိုက်ရင်ရပြီ..."
ရှင်းယံသည် သင်္ချာတစ်ပုဒ်ကို သေသေချာချာတွက်ပြ၊ ရှင်းပြနေသော်လည်း လင်း၏အာရုံမှာ စာထဲတွင်မရှိပါချေ။ လင်းသည် စာအုပ်ကိုကြည့်ရမည့်အစား ရှင်းယံကိုသာ မျက်တောင်မခတ်တမ်း ငေးကြည့်နေသည်။
ဒါလင်း၏အမှားမဟုတ်ပါ။ ရှင်းယံနှင့်အတူရှိနေချိန်အတွင်း ရှင်းယံကိုမကြည့်ဘဲ စာလုပ်နေပါက အချိန်တွေကိုဖြုန်းတီးရာရောက်လိမ့်မည်။ ရှင်းယံကိုငေးကြည့်ရင်း အချိန်ကို အကျိုးကျိုးရှိရှိကုန်ဆုံးရမည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
