Unicode
မျှော်လင့်ချက်ထားရင် အရာအားလုံးပျက်ဆီးတတ်တယ်။ အနည်းငယ်လောက်မျှော်လင့်ခဲ့မိရင်တောင် အများကြီးနာကျင်ရတတ်တာ သဘာဝပဲလား။
ကျွန်တော်အကောင်းဆုံးကြိုးစားခဲ့ပါတယ်။ ရရှိခဲ့တဲ့အဖြေကိုလည်း ကျွန်တော်ကျေနပ်ရမှာပေါ့။
မပိုင်ဆိုင်ရတော့မှန်းသိတဲ့လူတစ်ယောက်ကို မေ့ပျောက်ဖို့
ဘယ်လိုနှစ်သိမ့်ခြင်းမျိုးနဲ့ ဖြေသိမ့်ရမှာလဲ။
ကျွန်တော်တစ်ယောက်တည်း စချစ်၊ ကျွန်တော်တစ်ယောက်တည်း ဇာတ်လမ်းစ၊ ကျွန်တော်တစ်ယောက်တည်း
အဆုံးသတ်ခဲ့တဲ့ဖြစ်စဉ်မှာ ကျွန်တော်တစ်ယောက်တည်း
ဝမ်းနည်းရရင်လုံလောက်ပြီ။
အချိန်ဆိုတာ ကျွန်တော်လိုအပ်နေတဲ့တစ်ခုတည်းသောအရာပဲ။ တစ်ချိန်ကျရင်တော့ ကိုကြီးကို ကျွန်တော်မေ့သွားလိမ့်မယ်။
ကိုကြီးအပေါ်ထားတဲ့ ခံစားချက်ကတော့ အနည်းငယ်ကျန်ကောင်းကျန်လိမ့်မယ်။ ဒါပေမယ့် ဝမ်းနည်းခြင်းကနေတော့ လွတ်မြောက်လိမ့်မယ်။ စွန့်လွှတ်ပြီး ဘယ်လိုချစ်ရမလဲဆိုတာ ကျွန်တော်ကောင်းကောင်းတတ်မြောက်တဲ့တစ်နေ့ပေါ့။
ရှင်းယံဟာ ကျွန်တော်မပိုင်လိုက်ရတဲ့အချစ်ဦးနေရာမှာ
ကျန်ရစ်ခဲ့မှာပါ။ ရှင်းယံဟာ ကျွန်တော့်ဘဝမှာ ချစ်ဖို့အကောင်းဆုံးသောအမှတ်တရတွေရဲ့ ပဲ့ကိုင်ရှင်အဖြစ်ကျန်ရှိနေမှာပါ။ ဒီလောက်ဆို လုံလောက်ပါပြီ...
ဒီလောက်ဆို ကိုကြီးက ကျွန်တော့်ဘဝမှာ အစိတ်အပိုင်းတစ်ခုအဖြစ် ပါဝင်ပြီးပါပြီ။ ကျွန်တော်လောဘမကြီးပါဘူး။ အနည်းဆုံးတော့ ကိုကြီးကြောင့် ကျွန်တော်ပျော်ခဲ့ရတယ်၊ စိတ်လှုပ်ရှားခဲ့ရတယ်၊ ရင်ခုန်ခဲ့ရတယ်၊ ကြည်နူးခဲ့ရတယ်။ လိုအပ်တောင်ထက်တောင် ပိုလျှံခဲ့ပါတယ်။
ကျွန်တော် ကိုယ့်စိတ်ကို ပြန်လည်တည်ဆောက်နိုင်မယ့်အချိန်တစ်ခုကို စိတ်ရှည်လက်ရှည်စောင့်နေရင်
ရပြီမဟုတ်လား။
ဒီတိုင်း အချစ်ဦးပုံပြင်က တစ်စ,တစ်စနဲ့ ပြီးဆုံးသွားလိမ့်မယ်။
*******************************
" hello...မမနိုး...မဒီပါ...."
" အင်း....မဒီ.... ပြော...ဘာကိစ္စလဲ"
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
