Unicode
" မျက်မှန်ကို တက်နင်းမိသွားတာလည်း ကောင်းတာပဲ...
ထပ်တွေ့ရင်...အားနာလို့ မုန့်တော့လိုက်ကျွေးပါရစေ ဘာညာ ပြောလိုက်လို့ရတယ်...."
နိုးနိုးက သူ၏အမြင်ကိုတက်ကြွစွာတင်ပြသည်။သုတကတော့ နိုးနိုး၏အမြင်ကို လက်မခံဘဲ ခေါင်းခါသည်။
" မျက်မှန်ကွဲအောင်လုပ်မိလို့ မုန့်ဝယ်ကျွေးမယ်ဆိုတာ ယုတ္တိမရှိပါဘူးကွာ...လိုရာဆွဲသွင်းသလိုပဲ"
" ဒါ ယုတ္တိရှိဖို့မှမလိုတာ.....အဓိက က ဉာဏ်ဆင်ဖို့ပဲ...
ဒီအချိန်မှာ စိုင်းရှင်းယံကို ပုရွတ်ဆိတ်ကိုက်သွားရင်တောင် ဆေးရုံသွားမလားလို့ ပုံကြီးချဲ့မေးရမှာ...စိုင်းရှင်းယံနဲ့
ရင်းနှီးဖို့ လင်းက လိုက်ကပ်တွယ်နေရမှာပဲ"
" ဒါနဲ့ စိုင်းရှင်းယံက Milo ဝယ်တိုက်ပါလို့ တကယ်ပြောသွားတာလား"
ရိပ်က နိုးနိုးစကားပြောနေသည်ကို ကြားဖြတ်၍ လင်းကို မေးလိုက်သည်။
" ဟုတ်တယ်...ဒါပေမဲ့ နောက်တာ လို့လည်း ပြောသွားတယ် "
"ဘာပဲဖြစ်ဖြစ်...ဒါကောင်းတာပဲ...စိုင်းရှင်းယံက နင် ဖြိုးသတ္တိလှိုင်ကို milo ပေးခိုင်းတဲ့ကိစ္စနဲ့ပတ်သတ်ပြီး နင့်ကို
တော်တော်သတိထားမိသွားလို့ ပြောတာနေမှာ"
ရိပ် ပြောတော့ အားလုံးက ခေါင်းတညိတ်ညိတ်နှင့် ထောက်ခံလိုက်ကြသည်။
" ဒါဆို ငါဘာဆက်လုပ်ရမလဲ"
လင်း အရိုးခံမျက်နှာလေးနဲ့မေးလိုက်သောအခါ နိုးနိုးကခါးထောက်လိုက်ပြီး ဆရာမကြီးစတိုင်နှင့် ပြန်ပြောသည်။
" နောက်ဆက်မယ့်ဇာတ်က နင့်အပေါ်မှာပဲမူတည်တယ်...
နင် စိုင်းရှင်းယံနဲ့ရင်းနှီးအောင်လုပ်ပေါ့....နင့်အနေနဲ့
မျက်မှန်ကွဲသွားတဲ့ ကိစ္စအပေါ် မူတည်ပြီး စကားလေးဘာလေး လုပ်ကြံဖောရှောပြောလိုက်......"
***************************
" စကားပြောရမယ်...စကားပြောရမယ်...စကားပြောရမယ်...."
ဖုန်းကို ကြည့်ရင်း လင်း ပါးစပ်ကထိုတစ်ခွန်းကိုသာ တစ်တွတ်တွတ် ရေရွတ်နေမိသည်။ လင်း လက်ထဲရှိ ဖုန်းတွင် စိုင်းရှင်းယံ၏ Account က ပေါ်နေသည်။ စိတ်ထဲတွင်တော့ messenger မှာသွား hi ရန် ဆန္ဒရှိသည်။ သို့သော် မလုပ်ရဲ။ စိုင်းရှင်းယံက ချေသည်ဟု ပြောကြသည်။
reply မပြန်ရင် ဘယ်လိုလုပ်မလဲ.....
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
