Unicode
"ဟုတ်တယ်၊ ရှင်းယံက ငါ့အိမ်ရောက်နေတာ။ အိမ်မှာလည်း ငါတစ်ယောက်တည်းဆိုတော့ သူလည်းလာနေမယ်ဆိုပြီးရောက်နေတာ။ အခုတော့ သူ အိပ်ရာက မနိုးသေးဘူး။ အိပ်နေတုန်းပဲ"
ဖုန်းကို နားရွက်နှင့် ပခုံးကြားတွင်ညှပ်၍ပြောနေရင်း
ကော်ဖီခွက်ထဲသို့ ရေနွေးအား လောင်းထည့်လိုက်သည်။
လက်အရှိန်လွန်ကာ ခွက်ထဲတွင် ရေနွေး များသွားသည်။ ကော်ဖီအရသာပေါ့သွားမည်စိုးသောကြောင့် ကော်ဖီမှုန့်ထပ်ထည့်ရန် တွေးလိုက်မိသည်။
" အော်။ အဲ့တော့ ရှင်းယံနဲ့ နင်နဲ့ အတူတူအိပ်တာပေါ့။"
နိုးနိုးသည် ဘာမှမထူးခြားသလို အသံငြိမ်ငြိမ်ဖြင့်ပြော၏။ သို့သော် လင်းကတော့ ရေနွေးများနေသောကော်ဖီခွက်ထဲသို့ အမှုန့်ထပ်ထည့်ရန် ကော်ဖီမှုန့်ဘူးကိုလှမ်းယူနေသောလက်ကို ရပ်တန့်ပစ်လိုက်သည်။ လင်း
မျက်မှောက်ကြုတ်သည်။
"အဲ့တာ ပြောမလို့"
လင်းသည် ပခုံးနှင့်နားရွက်ကြားညှပ်ထားသောဖုန်းကို
လက်ဖြင့်သေချာကိုင်လိုက်သည်။
"ရှင်းယံကပြောတယ်ကွာ။ လက်ပဲ ကိုင်အိပ်မှာ၊ ကိုယ့်ကို
ယုံတယ်မလားတဲ့။ ပြီးတော့ တကယ်လည်း တစ်ညလုံး
လက်ပဲကိုင်တယ်။ လက်ကိုပဲ ကိုင်တာ။ နင်စဉ်းစားကြည့်။ လက်ကလေးကိုပဲကိုင်တာ"
" အေး။ အဲ့တာဘာဖြစ်လို့လဲ။ လက်ပဲကိုင်အိပ်လို့ မကျေမနပ်ဖြစ်နေတာလား။ လက်ပဲကိုင်မအိပ်လို့ နင်က ဘယ်လိုအိပ်စေချင်လို့လဲ"
ပြောရင်းဆိုရင်း တစ်ဖက်မှနိုးနိုး၏ရယ်သံထွက်ပေါ်လာသည်။
"စောက်ကောင် လင်းသုခတ်။ အမယ်လေးဟဲ့။ လက်ပဲကိုင်အိပ်တာထက် ပိုလိုချင်ရင် ရှင်းယံကိုပြောလေ။
ဘာလို့ ငါ့လာပြောနေတာလဲ"
ထိုအခါမှ လင်း၏မျက်နှာရဲသွားသည်။
" ဟဲ့ နင် မဟုတ်တာတွေ လျှောက်မတွေးနေနဲ့ "
"ဟယ်၊ ငါက ဘယ်နားက မဟုတ်တာတွေးလို့လဲ။
နင်ပြောလို့ ငါလိုက်ပြောတာလေ"
"ငါက အဲ့သဘောမျိုးနဲ့ပြောတာမှ မဟုတ်တာ"
" အဲ့တာဆို ဘယ်လိုသဘောမျိုးနဲ့ပြောတာလဲ။ ဆိုပါဦး"
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
