Unicode
" အဲ့တော့ မင်းက အဲ့စာအုပ်တွေအကုန်ဖတ်ဖူးတယ်ပေါ့"
စိုင်းရှင်းယံက အံ့အားသင့်ဟန်ဖြင့်မေးသောအခါ လင်းက
ဂုဏ်ယူဝင့်ကြွားစွာ ခေါင်းညိတ်သည်။ သူတို့နှစ်ယောက်သည် စာကြည့်တိုက်အလယ်ရှိ စားပွဲခုံ၌မျက်နှာချင်းဆိုင် ထိုင်နေကြပြီး စာကြည့်တိုက်ထဲတွင်လည်း စာကြည့်မှူးမှအပ သူတို့နှစ်ဦးတည်းသာ ရှိနေသည်။ နှစ်ယောက်သား၏လက်ထဲတွင် စာအုပ်ကိုယ်စီရှိသော်လည်း စာမဖတ်ဘဲ တိုးတိုးတိတ်တိတ် စကားများနေကြခြင်းဖြစ်သည်။
" သူတို့တွေက ကျွန်တော့်အကြိုက်ဆုံးတွေပဲ...."
စိတ်ထဲတွင်တော့ ရိပ်တို့အိမ်ကစာအုပ်စင်ကြီးကို ထိုင်ရှိခိုးချင်စိတ်ပေါ်နေသည်။ ရိပ်တို့အိမ်ကစာအုပ်စင်မှာ စိုင်းရှင်းယံ recommend ပေးသမျှ စာအုပ်တွေရှိနေတာ ဘုရားပေးသော ဆုလာဘ်ပင်။
" မင်း စာဖတ်ဝါသနာ,ပါမယ်လို့ အစ်ကို မထင်ထားဘူး"
" ကျွန်တော်က ငယ်ငယ်လေးကတည်းက စာဖတ်ရတာကြိုက်တာ....ကျွန်တော်က ဘာသာပြန်တွေ လျို့ဝှက်နက်နဲဇာတ်လမ်းတွေ...စိတ်ကူးယဉ်တွေ.. ကိုပိုသဘောကျတယ်"
" အစ်ကိုရောပဲ....အကြိုက်တူတယ်...."
လင်း တဟီးဟီးနဲ့ ရယ်နေလိုက်သည်။
ဒါကညီမဖြစ်သူ မဒီ့ရဲ့ကျေးဇူး။ သူစုံစမ်းထားတာတွေနဲ့
ကွက်တိပဲ....
" အစ်ကိုက ရသစာပေလည်းသဘောကျတယ်.....
ပြီးတော့ သမိုင်းအကြောင်းတွေ ရေးထားတာဆိုလည်း
စိတ်ဝင်စားတယ်...."
" သမိုင်းကြောင်းဆိုရင် ကျွန်တော်က ဒေါက်တာသန်းထွန်းရဲ့စာအုပ်တွေဖတ်တယ်....သူက လုံးဝ သက်သေအထောက်အထားတွေနဲ့ အတိအကျ သမိုင်းကိုပြောတာ..."
" မင်း...ဒေါက်တာသန်းထွန်းကို သိတယ်ပေါ့....."
စိုင်းရှင်းယံက ဒုတိယအကြိမ် အံ့အားသင့်ဟန်နှင့်ပြောပြန်သောအခါ လင်း သွားဖြဲပြီး ရယ်လိုက်သည်။
" ကျွန်တော် သူ့ကိုသဘောကျတယ်....ကျွန်တော့်မှာသာ
အခွင့်အရေးရှိရင် သူနဲ့သွားတွေ့ပြီး သမိုင်းနဲ့ ပတ်သတ်ပြီး သိချင်တာလေးတွေ မေးဦးမှာ..."
DU LIEST GERADE
Loving Out Loud
Romantikလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
