Unicode
ကျူးရင့်ဟန်သာ.....
နာမည်လည်းလှသလို လူကလည်း သိပ်ကိုလှပကြော့ရှင်းပြီး ချောမောတဲ့မိန်းကလေး။ သူမက တစ်ကျောင်းလုံးမှာ မနာလိုခြင်းအခံရဆုံး မိန်းကလေးတစ်ယောက်ပဲ။
သူမက ရုပ်ချောတယ်၊ မျက်နှာတည်တယ်၊ စာတော်တယ်၊ ချမ်းသာတယ်။ ပြီးတော့ ကျောင်းက F4 အဖွဲ့နဲ့
ရင်းနှီးတယ်။ စိုင်းရှင်းယံတို့အဖွဲ့က မိန်းကလေးတွေနဲ့ခင်မင်တာရှားပေမဲ့ ကျူးရင့်ဟန်သာနဲ့ကတော့ ခရီးသွားလည်းအတူတူ၊ သူငယ်ချင်းတွေချိန်းတွေ့ကြလည်းအတူတူ၊ သွားအတူ လာအတူ စားအတူနဲ့ အရမ်းကျွမ်းဝင်ရင်းနှီးပုံရတယ်။ သူတို့ရဲ့တစ်ဦးတည်းသော Girl bestfriend လို့တောင်ပြောလို့ရတယ်။ ရှင်းယံတို့အဖွဲ့နားမှာ အမြဲတမ်းလိုလိုရှိနေနိုင်တာ သူမပါပဲ။
အဲ့အချက်ကြောင့်ပဲ ကျူးရင့်ဟန်သာဟာ မိန်းကလေးတော်တော်များများနဲ့ Gay boy အချို့ရဲ့မနာလိုခြင်းကိုခံရတာပဲ။ မနာလိုခြင်းခံရတယ်ဆိုမှတော့...အင်း...အတင်းတုပ်ခြင်းလည်းခံရတယ်ဆိုတာ အလိုလိုနားလည်လိုက်ပေါ့နော်....
သူမကတော့ အတင်းတုပ်တာတွေ၊ သူမအကြောင်း သပုပ်အူလေလွင့် ပြောတာတွေကို အရေးမစိုက်သလိုပါပဲ။ သူမဘာသာသူမ အချေကြီးစတိုင်လ်နဲ့နေတတ်တယ်။ လူတွေကို သိပ်ဂရုမစိုက်တတ်တော့လည်း မာနကြီးတယ်လို့ သတ်မှတ်ခံရတယ်။
အချို့မိန်းကလေးတွေရဲ့ မကြည်ဖြူခြင်းကိုခံရပေမဲ့ ယောက်ျားလေးတွေနဲ့ မိန်းကလေးချင်းငမ်းတတ်တဲ့ ကောင်မလေးတွေအတွက်ကတော့ ကျူးရင်ဟန်သာဘက်ကများပါတယ်။ ဘာလို့လဲဆိုတော့ သူမကချောတယ်လေ။
ရုပ်ချောတာကိုမကြည့်ဘူး၊ စိတ်လှရင်ပြီးရောလို့ ဘယ်လောက်ပဲပြောပြော တကယ့်လောကမှာ
ရုပ်ချောတဲ့သူတွေက အော်တိုမစ်တစ် privilege ဖြစ်တာ သဘာဝပဲ။ ရုပ်ချောရင် နာမည်ကြီးတာ မဆန်းတဲ့ကိစ္စ။
ရုပ်ချောခြင်း ဆိုတဲ့ဂုဏ်ပုဒ်မှာ ချမ်းသာခြင်း၊ စန်းရှိခြင်း၊ Talent ကိုယ်စီရှိခြင်းဆိုတာနဲ့ပေါင်းစပ်လိုက်တော့ ကျူးရင့်ဟန်သာအပါအဝင် စိုင်းရှင်းယံတို့အုပ်စုဟာ ကျောင်းမှာဆို တော်ဝင်မိသားစုလို ဖြစ်တည်မှုမျိုးပဲ။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
