Unicode
" နင်ပြောတာ ကြားရတာ...တကယ်ရယ်ချင်တယ်...စိုင်းရှင်းယံနဲ့ နက္ခတ်ညီက နင့်အိမ်ထိတောင် ရောက်လာပြီးလိုက်ပြိုင်နေတာပဲ...နက္ခတ်ညီကတော့ထားပါတော့...စိုင်းရှင်းယံဘက်က ဒီလိုဖြစ်နေတယ်ဆိုကတည်းက နင့်အပေါ်အနည်းနဲ့အများတော့ သဝန်တိုနေလို့ပေါ့..."
နိုးနိုး အားတက်သရောပြောရင်း လင်းကိုတံတောင်ဆစ်ဖြင့် တွတ်လိုက်သည်။ လင်းထံမှ ဟင်းခနဲသက်ပြင်းချသံထွက်ပေါ်လာသည်။
" ဟဲ့...အဲ့တာကောင်းတဲ့ကိစ္စပဲကို...နင့်ရုပ်ကဘာလို့ မှိုင်ပြီး သက်ပြင်းချနေတာလဲ..."
"ငါပြောပြမယ်ကွာ...ဒီတိုင်းကြည့်လိုက်ရင်တော့ ဟုတ်တာပေါ့...ရှင်းယံနဲ့နက္ခတ်က ငါ့ကိုဝိုင်းလုတယ်ပေါ့...ဒါပေမဲ့ သူတို့အဲ့လိုလုပ်တဲ့အချိန်တိုင်း ငါ့ကိုလုတယ်ဆိုတာထက် သူတို့နှစ်ယောက်တည်းပြိုင်နေကြသလို ခံစားရတယ်..."
" ဘာကိုပြောချင်တာလဲ"
" ဒီလိုကွာ...သူတို့က ကိစ္စတစ်ခုခုနဲ့ငါ့ကိုဝိုင်းလုတယ်...ငါ့ကြောင့်နဲ့ဖြစ်တယ်ပြောပေမဲ့ ငါ့ကိုမေ့ပြီးတော့ သူတို့နှစ်ယောက်တည်း ဆက်ငြင်းခုံနေကြတယ်...ငါက ဘေးရောက်သွားပြီးတော့ သူတို့ရဲ့နှစ်ယောက်တည်း တစ်ကမ္ဘာကိုရောက်သွားသလိုပဲ...ပြောရရင် သူတို့အချင်းချင်းရန်ဖြစ်ကျီစယ်ဖို့ ငါက proxy war ကြီးကျနေတာပဲ..."
"သူတို့အချင်းချင်းရန်ဖြစ်ဖို့ နင့်ကိုအကြောင်းပြချက်လုပ်လိုက်တာမျိုးလား"
" အေး..."
" ဘာလို့အဲ့လိုထင်တာလဲ..."
" မသိဘူး...အဲ့လိုပဲ ခံစားရလို့...သူတို့ကိုကြည့်ရတာ ကြောင်နဲ့ကြွက်ဆက်ဆံရေးလိုပဲ..."
"အဲ့လိုလား..."
နိုးနိုး မေးစေ့ကိုပွတ်ရင်း စဉ်းစားနေသည်။
" နင်ရော အဲ့ကိစ္စကို ဘယ်လိုမြင်လဲ..နိုးနိုး"
" ပြောရတော့ ခက်တယ်...ဒါပေမဲ့ ဖြစ်နိုင်ချေလေးခုကို ငါစဉ်းစားမိတယ်..."
နိုးနိုးအနားသို့ လင်းတိုးကပ်လာသည်။ သူ၏မျက်ဝန်းများ သိချင်စိတ်ဖြင့် တဖျပ်ဖျပ်လက်နေသည်။
YOU ARE READING
Loving Out Loud
Romanceလင်းသုခတ်ရဲ့အတွေးထဲမှာ နှစ်ပေါက်အောင် တိတ်တခိုးကြိုက်ခဲ့ရတဲ့ Crush ကိုလိုက်ဖို့ပဲ စိတ်ကူးရှိခဲ့တာ... Crush နဲ့တင်မက crush ရဲ့ Bff ကြီးနဲ့ပါ ဇာတ်လမ်းရှုပ်လာမယ်လို့ မထင်ထားခဲ့ဘူးလေ! လင္းသုခတ္ရဲ႕အေတြးထဲမွာ ႏွစ္ေပါက္ေအာင္ တိတ္တခိုးႀကိဳက္ခဲ့ရတဲ့ Crush ကိ...
