حين تحلق الفراشات

52

مساء الخيرات حبايبي مشتاقه الكم والله
والاخرني عنكم النفس الضايق من الربو مجبوره اتعايش وياه🥺😑

....
عين الناس ما ترحم ضوه العشّاگ

وعينك رحمة من الله

شحلات الخوف من نخاف لا ننباگ

وتفز بلسانك أسم الله

.......

فيروز..

.. الله عليك تحجي صدك

.. اي بويه صدك جا هي مال ضحك هالسوالف جهزن امورجن هالشهر الجن بس هنا وكل ماتستعجلن افضل

.. عمي يدري

.. بلغته واخذته بعيد عن بيته حجيت وياه وفهمته كلشي بيني وبينه بس اختنك وضاج حيل رغم كتله انه مااتركم الاي سبب والحد اخر يوم بعمري اسوي العليه رغم ماسويت العليك انت قبل

. وانت الا تذكره ميصير تعديها

.. لا مايصير لأن هذا الصدك الوجه الله اني احاول ارضي ربي والا شنهي الاذكره منه.. بس هو ضاج وحيل انقهر اتوقع قهره مو عليه هو كل قهره على امي بس مايكدر يحجي لأن كلها راح تلومه

.. يمكن صدك لأن من اجه يتوسل بعمتي تقنعك حسيتها هي الغاية مو انت

..اي صح احساسج انه اذا انتقلت او هنا مراح اتعطل بيوم عنهم والتليفونات موجوده وهذا عصر السرعة مابي تأخير وخوف من البعد
بس هو مثل ماكتلج مهتم الأمي لان يكلي وامك قبلت بدون ماتستشيرني تروح تظل انه اعصابي شاطت ساعتها كتله تستشيرك عليمن شو بالله وضحلي

كال هذا هو براحتكم مااريد ازعلك وتزعلني وراح

.. زين بيت خوالك هذا وين ومنو ويانا بالبيت

.. محد ويانا انتي وامي وجود واني رابعكم بس بمزارعهم خير من الله بيوت انه مااحب اوازيكم ولا اوازي احد يعني البيت لو بي احد مانكعد بي

..وفواطم

.. شبيها

.. اني سمعت عمتي كلتلك من تبيع وتبني البيتين انت وفواطم كعدو بحصتي وبيت فيروز الها

.. اي هسه تبقى ابيتها يكمل البيت عود انفكر المهم بيتج الج واحلى البيوت اسويه بس ادعيلي

.. الله يرزقك ويسهل امرك ويريح بالك يارب

اتقرب عليه باس راسي
خليت راسي على صدره

كعد ع السرير ساند راسة للخلف واني ع رجله

فتح القراصة من شعري ظل يمشط شعري بأصابعة بخفه

.. تعبانه حبيبتي

. اي تعبت بين زمرد وبابا واحس مقصره وي الاثنين لو بيدي اخدمهم اكثر

... مامقصره ان شاءالله ياقوت هم وياج ومتعاونات بينجن شده وتعدي ان شاءالله يظل بس عمي وبعد لا اتعوفنه ابد وخلصن وكت وياه مو بس تخلصن طلباته انه احسه ضايج وتعبان هالايام بهالعمر صعبه الواحد يعيش وحده ابيت