يسعد مسائكم حبايبي وكل عام وانتوو بخير
عيد سعيد عليكم وعلى امة محمد
نسأل الله تعالى ان يرفع هذا الوباء
بحق من لبى النداء
......
تفارگنه وبهت لوني گبل لونك
مثل سرب الطيور اليجزي الولايات
محد گالي شلونك
.......
بدلت ع السريع وكملت وهو هم اخذ جناسي وفلوس وخابر اخوها يذكرها تاخذ وياها الجنسيه وتحاليلها والسونارات
طلعنه بالسياره وصلنه البيتهم طلعت هي وحسين بايده الجنطه مالتها فتحتلها الباب صعدت يمي وحسين يم مؤمن الطريق كله هي متأذيه كلش يعني مو مال بداية الامها
مؤمن كلها ليش متصلتي من وكت متحجي هي كاتمه المها لازمه ايدي وحسين كله اني يمها مكالتلي قبل شويه وره اتصالها بيك يلله كالتلي وتكول من اول الليل اني حاسه بس ماعبالي ولاده
كله التسهيل من الله.. الله يسهل يارب
الطريق كله ندعي الحد ماوصلنه المستشفى
دخلوها وكالو هي بكر تتأخر نخليها على راحتها
وساعه جرت ساعه اني سمحولي ادخل يمها جانت ساعات صعبه عليها تلهج بذكر الله واني شكو ايه حافظتها قريتها وبعدها استمريت بالدعاء الها
اطلع ابلغهم وضعها وارجع
الحد ماتأخرت كلش اجه ابوها واجه اخوها الثاني وزوجته بقت للسته ونص العصر يلله جابت ونور جود الدنيا
من شفته بجيت ومشاعري اختلطت
باركتلها واتحمدتلها ع السلامه وبعد مااخذته الممرضه نظفته وسبحته بدلتله وانطتنياه فاتح عيونه يباوع ضحكت واني امسح دموعي اول مره اشوف طفل فاتح عيونه ع وسعهن اغلب جهالنه ميفتحوهن انت شكو مستعجل تاخذ نظره للحواليك
اخذته الها اشوفه الها ماجانت متلهفه مثل لهفتي اله باوعتله وابتسمت بس
كلت اكيد بعدهي متألمه ومالها خلكه اخذته بأيدي واتوجهت المؤمن اتقدم عليه هو الممر فارغ مستشفى اهليه واغلب الي اجو ويانه وورانه كلهن جابن قبلها وطلعن هالشي خله مؤمن يخاف ويقلق وحتى اخوها الي بلغ اهله واجوو الها.. بعدين عرفت ابوها مصلي صلاة ركعتين بحديقة المستشفى وداعيلها وسبحان الله ولدت قبل ليتم صلاته
اتقدم عليه مؤمن باس راسي بعد ماباركتله رفعته الي ياخذه باسه بكصته ع كيف اتمشه قبلي يم اخوتها وابوها
الاب بارك النه اثنينه واتشكر مني هوايه لأن جايه وياها
مؤمن كله شيخ انت اذن بأذنه اخذه اذن باذنه وسأل شنو اسمه كله جود
ذكر اسمه.. وخواله شافو وباركو المؤمن وهو هم اتحمد ع سلامتهم هو وامه
اخذته اني ورجعت وبالي يم عمتي شعجب الهسه مااجت معقوله عرفت مؤمن راح يصير عنده طفل وهي باقيه بالبيت مستحيل
ساعه ونص وطلعنه من وصلنه للبيت الدنيا ليل اخذناها البيت اهلها امها بالها يمها وتبجي عليها حتى سكرها صاعد ومتكدر تروح وياها البيتها تريد شخص يراعيها والي فهمته زوجة اخوهم بنت عمهم هي راح تبقى يمهم تهتم بفواطم وامها تطوع منها
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
