حين تحلق الفراشات

36

يسعد صباحكم...

البارت اكثر من ٤٥٥٥ كلمة تقريبا

اتاخرت بي لأن الشخصيات كثيره وكلها تفاصيل

طبعا بدون تعديل اخاف ينحذف لان مجاي يعدل

.......

طري ملمس گلوب المايحبون
وخشن ذاك التصدع بالمواعيد

..........

احتارت زمرد بطلعتها
حاجيتها

.. لج شبيج هو ميفوت هيج بدون منأذنله اصلا.. وجهالج تركيهم اطلعي بس انتي وعود ليش متسلمين عليه عادي شكو بيها بس رتبي نفسج

.. عززه اتخيل واكفه واسلم واني مبتسمه والاخ مبتسم ويجي جهاد هله هله

.. اي مو جهاد كاسبر فجأه يجي شبيج انتي ع شنوو خايفه

.. مو قصة خوف بس هو شيسوي قابل راح يزعل فتره وبعدين يرجع يحجي ويايه اول وتالي بس احترام اله شغله ميحبها ممجبوره اسويها راح اطلع انتبهي للجهال فدوه احسن من المشاكل مالي خلكها

طلعت الغرفتي فوني بايدي سبحان الله اتصل بيه جهاد
خرب حظي زين واتصال اني كلت الكي بالباب

حاجيته

.. الوو

.. حبيبتي شلونج

.. الحمدلله بخير مشتاقتلك

.. اني اشووق والله الجهال وينهم مشتاق الج والهم

.. خليتهم يم خالتهم واني بالغرفه ارتاح اجيت تعبوني يبجون سوه يجوعون سوه وحمودي مخلي نفسه وياهم هلكت والله وهنا مساعديني شلون لو وحدي

.. كولي الحمدلله عمري نعمه هذي لتشكين منها تعب صح حقج اني وياج وين اروح عنج اغلب وقتي يمج واساعدج

.. متقصر قلبي انت

.. اوويلي ياب قلبج؟ كلتي .. فدوه القلبج اني.. شوو متسألين عن البيت وين وصلت بي

.. حجيتلي البارحه ومجاي اتخيل منتظره اشوفه

.. من يكمل اتشوفي كامل

... ليش من اجي يمك متاخذني اشوف وين وصل وشنو ناقصه

.. لا شكو جايه وهو مو كامل بعدو هيكل

.. والنقوصات شلون اشوفهن واطلب تعديلهن

.. يولي اسطى بناء انتي مهندسه وتعرفين هو اني والاحظ واراقب ويادوب انطي ملحوظات شلج بهالسالفه الي اتدوخ انتي ادخلينوو كامل تلكي من كلشي

.. والله اصلا البيت بس المريه تعرف نقوصاته وتلاحظ

.. عجل يابا متلاحظيلي نقوصاتي بغيابج تا تجين تعدليهن

.. ههههههه شناقصك ارد افتهم

.. ول يابا اتدمرت الله وكيلج وحيد وماكو فكره طايح حظها ماتخطر ع البال اشتاقيت مو كافي