يسعد صباحكم ❤️
اليوم نور تتعب بالتصحيح 🤣
....
خطية احنه نضم همومنه
من الناس وتشهرنه ملآمحنه
...
.. مراح انسى
.. حتى انه ماانسى ولا تنسين انتي حقج بس تعاي نحجي
.. مؤمن مو طايقه احد مو طايقه نفسي هسه
.. وانه احد مو على اساس اغلى من نفسج لو تقشمريني من تكولينها
غمضت عيوني بتعب ودموعي نزلت بعد مااخذني الحضنه
ابتعدت عنه
مسحت دموعي
.. تعرف مااذاني كلامها بكد اذيتك الي وانت مأيدها
فتح عيونه باستغراب
.. وانتي هذا الفهمتي مأيدها انه
منين جبتي هالحجي انه حالي حالج حجيها جرحني وحسيتها قاصدتني الي مو بس الج انه ماراح اعدي الموضوع الها وداعتج بس ماردت اسوي مشكله بمكان مو مناسب ولا ردت ازيد جرحج واقهرج اكثر من احجي واكول ليش اثبت الموضوع عليج انه ماانطيت الها اهميه حتى ماانطيها مجال تتماده اكثر بهالمكان بس حسابها يمي
.. ماكو داعي تحاسب وتعاتب خلص مؤمن خواتك تحبهم انت وياهم اني مالي علاقه توصلهم يوصلوك اني بعيده عنكم
.. هذا هو بس ارتاحي مااجبرج على شي بعد بس لاتضوجين ترى البشر ماضامن روحه وكل انسان معرض انتي مو حاله فريده ولا غيرج بزوده يخلق ويخلف كلها خلقة الله ورزقه وهو موزع الارزاق
سكتت ودرت من الجهه الثانيه بعيد عنه
.. لاتعذبيني فيروز كلشي اتحمل بس مااتحمل زعلج
.. مازعلانه اني وانت اتزوج وخلف بعد لاتبقى هيج وبس الحجي عليه
.. نعله على الزواج لا ابو الرايده يازواج تحجين بي شبيج فيروز تعاي هنا يمي خلينه نحجي
.. انت تحاول توهمني لو توهم نفسك اول وتالي متزوج انت وحيد يعني مو من حقي احرمك
.. هذا اذا انه رايد كولي مو من حقي احرمك بس انه رايدج الج وبس عوفي هالسالفه وتعاي كعدي يمي ما احب اشوفج بعيده واحنه بمكان واحد
.. خليني هنا اريح ترى بس اقرب عليك اتعارك وياك والله
ضحك رغم جان جدي وحزين بحجيه وياي
..تعاي ميخالف اتعاركي واغلبي بعركج نسوي روحنه ماندري بالعركه بس لاتظلين ضايجه
..انت ماتستوعب البيه تعرف لو مااحبك حتى ماكعد واشوفك بعيني واحجي وياك جان ماكعدت كبالك ولا اتحمل اشوفك بعيني واسكت
بيين ع ملامحه القهر
..هيج الحجي.. كل هذا ليش
.. لأن خذلتني مؤمن انت ماريحتني ع الاقل لو حاجي كلمه تسندني بيها ولو تلميح
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
