يسعد مسائكم ❤️
....
فيروز..
توني خلصت مكالمتي وي زمرد وجاي اجلف بالمواعين مؤمن ابيته الثاني اجه من الباب المشترك بينا صاح
.. وين ام جود
استغربت نبرة صوته مو عادته يصيح بصوت عالي
.. هنا مؤمن بالمطبخ وين قابل..ادري انت من الباب تفزع خرعتني شصاير
.. ذبي من ايدج وتعاي وياي گلي الامي رايحه اشوف ماس
.. شصاير مؤمن
.. اسمعي مني بسرعة اني منتظرج بالباب
.. اهلي بيهم شي
رد عليه زهگان
.. اوهوو شبيهم يمعودة مو يم اهلج السالفة بس مااريد احد يعرف وين رايحين بسرعة فضيني لايجون جود وفضل ويجلبون ويانه اريد نروح وحدنا
طلع بالباب قبلي
فتت بدلت وانطيت العمتي خبر
ماس اني البارحه يمها كلت العمتي ياقوت محتاجتني ماادري شنو تريد مؤمن راح ياخذني اشوفها وارجع
خطوات من باب المطبخ الباب البيت مية فكره اجت ابالي
.. طلعت مؤمن عاف السيارة واشرلي نمشي
.. غير افهم وين انروح
حسين ابيته مراسلني تعال انت وام جود ابيتي ومااريد احد يعرف حتى فواطم
.. شصاير شو خفت اكيد حسن مسويله سالفة
.. شبي حسن
.. مو حجيتلك عن مشكلتهم
.. هسه نفهم
رحنا البيته فزيت من صوت الخرفان بالطرمة مربوطات بشباك الصالة من الخارج اثنين الظاهر جايبهن الجهالة
استقبلنا بس تعبان ومبين ضايج هم.. بحيث طول الگعدة هو يفرك براسه وعيونه احسه يريد يحجي ويتراجع توصل الكلمة الطرف السانه ويسكت
حاجاه مؤمن
.. حسين احجيلي شكو شو ساكت عليمن ردتنا
.. احجيلك بس والله صعبة عليه اگولها لأن انه مصدوم صدمة مامتوقع نوصل لهنا
من حجه هيج اني تاكدت السالفة تخص ماس وحسن
مؤمن مركز حيل وياه يأشرله يكمل
.. اجيت متعني وجبت ذبايح خرفان اذبحهن عقيقة للجهال بعد مواصل للبيت ع اساس من السوگ واطلع الهم نذبحهن هناك اجتني رسالة من ماس تكلي لاتجي حسن يطردك اذا اجيت
.. شصاير بينكم غير التعليق
.. ماكوو.. المهم خليك من حسن وطردته مو مهم عندي
ردتها هي تجي رفضت خايفه على زعل اخوها المعنى هو رافض تكون وياي اصلاً!؟
كل عقله يحجي هذا
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
