حين تحلق الفراشات

74

مساء الخير حبايب ❤️❤️

اسفة ع التأخير المفروض البارحة انزل بسبب دراسة الاطفال العطل الفاتت اثرت علينا وصار لود ودراستهم بفوني واحتلوه 🤦‍♀️

المهم البارت قريب لل ٤٠٠٠ وماگدرت اختم الاحداث بي

واذا بي سحك غلسوو متأكده مليان بس خاف يخلص النت قبل لا انشر بعدين اعدله

.....

ماس..

بعد التحاق حسين بعشر ايام يومية اتصل بي ميرد
اراسله يشوف وميجاوب تجينا خالة فيروز يومية ادزلة صور للجهال تشوفني رسائلة يسأل عني عن الجرح الخيط انشال وهالأمور صحتها متعبيها
وموصيها لا اتركيها

زين اذا هيج بالك يمي ليش متعاتبني الي  تخليني ابرر موقفي اعتذر منه ع الأقل اذا فاهم موقفي تقليل منه
بديت اتضايق واحس فرحتي ناقصة وهم تعب الولادة طلع علية الهسه معدتي متستقبل اكل بعدهي تأذيني من اي اكله اجبر نفسي عليها لاني مااشتهي اساساً
بالليل اولادي يسهرون ماما تساعدني عليهم بيبي ام علي هم يمي هالفترة كلها لارا بس بالليل تروح وي اهلها ابد متركتنا
وهم كلهم بشكل يومي يمنا

قبل يومين بابا بعد ماشاف صحة حسن بالنازل بعد ميگدر يبقى مقاطعة راح يحاجيه ياخذه الطبيب ثاني مختص بحالته بوقتها حسن معتذر منه
الهسه ماما ولأول مرة بحياتها تقاطع حسن رغم وضعه ابد مو مال واحد يقسي عليه
حاجيتها تروحله هو متعلق بيها وغلط هذا الجفاء من الكل مرة وحدة
خاص بعد رزالة جدو اله ان البيت مو بيتك هذا بيتي ومو من حقك تطرد احد منه هوايه حجه عليه وهو مامتعود ع الكل ينبذوه بيومها اتخربط وانتكست حالته راد يروح البيت بابا بس الظاهر حتى بعد مماخذه بابا وبعد اعتذار حسن باقي مثگل عليه يعني مشاف رضا وتقبل بشكل عام هم من خوفهم عليه استغلو هالحدث حتى يروضوه وينبهوه قبل لينجرف والظلم الي يشعر بيه بداخلة يتحول حقد ع الكل

بقى بغرفته بس ابد ميطلع اكله يروحله وهم قليل ياكل مرات ماما تكول رجعه مثل ماهو

اني والله بگد مامقهورة بالي يمه غلط هيج يتصرفون وياه هم عودوه اله كلمة وكلشي منه مقبول واتصرف غلط بوقت بي نفسيته مدمرة ويحس بنفسه وحيد محد منا متعاطف او حاس بيه
المفروض يفهموه غلطه بشكل تدريجي مو بهالطريقة
اني كلش حاسة بيه لأن كان تعاملهم ويايه وخاص ماما على طول بهالطريقة كانت تعاملني  وكنت اتمنى تفهمني تعاتبني تعلمني مو تنبذني

بالليل گاعدة وي صادق بعد مانيمت باقر احس ظهري اتشنج من الگعدة گعدتي مو عدلة بسبب عمليتي بعدهي تأذيني سمعت صوته يكح بقوة الصوت جاي بره هذا طالع بهالبرد صدگ يحجي
اريد صادق يكمل رضاعة كمل ونيمته بمكانه ماما نايمة بتعب ذابه نفسها
هي يومية من الفجر تستلمهم وبعدها اخواني الصغار  زمزم ويحيى صرت احسهم اخواني صدگ گد مااشوف تعلقهم بينا وبماما واحنا هم
هم يگعدون من وكت وبيبي ووضعها وشغل البيت تخلص يومها ركض بركض احسها تعبت ويايه حيل
ادعيلها واتمنى الله يقدرني البرها