حين تحلق الفراشات

38

يسعد صباحكم ❤️

اتعودتوو اترجمون وتقرون كلمات مستحدثه
البارت بدون تعديل

....

اصواتهم علت جهاد يكلها

.. على اي اساس اطلگها شسوت هي حتى تطلك يمه عوفي زمرد لاتدخلين بيناتنا امي وعلى راسي بس متفرضين عليه شي مامقتنع بي وماعندج اسباب الوو

هي ظلت تحجي تكله تعلي صوتها وتطردني وانت فرحان مخليها ابيتك شايف روحك شصاير تروح من الصبح للظهر تعبان بس تصرف عليها وترجع تتلكاك بالجهال وانت ماعونك التاكل بي تغسله

كلها

.. اذا ع الصوت افهمها وبعد مايعله عليج واذا صار وانعادت اني اتصرف.. اذا ع الدوام يمه صار سنين اداوم قبلها وهذا عملي يمه لا عيب ولا حرام والجهال جهالي انتي ليش حاركه دمج بدون داعي اني هيج مرتاح ماتفرحين براحتي انتي

.. ماتلوكلك لا اطباعنه نفس اطباعها ولا دينه ولا هي ااي ام بيت وامكفيتك انت بس عوفها وزينة البنات اجيبلك

.. لا اله الا الله دينه واحد يمه هالشغلات عوفيها ماتعرفينها انتي منين تسمعين منو يكلج هم وحد واحنه وحد.. وشبيها مامكفيتني اكو مثلها هي اني لو ماهي افكر اتزوج اصلا يجوني هالجهال الي اغلى من كنوز الدنيا بس دحكي بخلقهم مو يسوون الدنيا منو يسوه اهججهم هم وامهم شمسويه مو زين حتى اطلك

كالتله اذا ماطلعتها هسه الاهلها اني اطلع مااظل هنا
كومه حجت انت من زمان اني مااهمك وكلها عندك احسن مني تفضل الكل عليه اتعجبت اذا مريضه شلون هالكد تحجي مخلصت طاقتها اني من يمي تعبت

.. يمه كافي

هي من شافته هادئ بعده استغلت هدوئه وزادت الحد ماصاح كااافي كلت مرتي مااطلكها ولا تطلع منا اختارتني رغم كل السويتوه والكلام الوصلوه الهم خيرها ابوها واختارتني اتركها اني شلون

رحت يمهم واتشجعت وحاجيتها

.. عمه اريد اعرف شسويت اني حتى اطلبين هيج طلب اني ماطردتج بيت ابنج هذا مفتوح بكل وكت الج انتي ليش كارهتني

..لاتدخلين بينه انتي اني وهو ام وابنها اطلعي منها

اشرلي اسكت

انطاني الجهال كال اخذيهم يمج روحي ارتاحي

بقت عمتي يمنه يومين لاتحجي وياه ولا ويايه وحتى اكل متاكل واني اطبخ ينطيها علاجها ياخذلها فواكه يكعد يمها حتى لو ميتحاجون يشغل نفسه باي شي ويكعد

ثالث يوم اجه عمر اخذها كلها اشتاقينه الج ونريدج وكافي كاعده هنا صارلج هوايه..
اليومين الراخت اني مخنوكه خنك شخص يكرهك ويحجي كومه عليك وبنفس الوقت لازم تخدمه ومتحجي ومتعقب
صح هو دافعلي وماانطه مجال بس من اجيت احجي يمه باول كلمتين كلي