حين تحلق الفراشات

67

يسعد مسائكم..

....

البارت بدون تعديل مالحكت اعدله

..

ماس..

انطيت الظرف الحسن
وهالمرة قررت مااسكت احجي كلشي وكدامهم

.. هاي حسن خل يتصل گدامكم ويفتح مايك واذا كاله اني الي طرف لو طالبه لو حاجيه بالموضوع شنو تردون اسوي
بس ماما هاي راح احجي وكدام الكل

كعدت بيبي ع صوتنا هم تسأل حسن وهو مركز وياي
جدو كلها ياقوت وخبالاتها اتخبلت ع البنيه
هسه غير تنطينا مجال شدعوة هالگد تتحسين

كملت واني ابجي واحجي بقهر

.. مو اول مرة تسوي بيه هيج ماما تتفهم الكل تحل مشاكل الكل مستعدة تساعد وتسمع الكل الا اني مااعرف شنو مشكلتها وياي

قاطعتني هي

.. تردين تذبين اللوم علية راح اطلعين سوالف قديمة شمقصرة وياج اني حتى ترحين تشكين الخطيبج منين عرف متكدرين ادخلين لان ماعندج فلوس يعني مو حقي اموت قهر واني مسويتلج سلفة باقي شهرين ع استلامها بس شلون ماس تصبر هالمرة ناراحت تشكي البابا مؤيد راحت لحسين

باوعت الحسن مسحت دموعي تحجب الرؤية مغوشه عيوني ماجاي اشوفه زين شفته عاقد حواجبه وعيونه تتنقل يريد يفهم وهو هم معصب 

.. غير تخليني احجي

اشر الماما

.. يمه خلينا نفهم الله يخليج

.. والله ماحاجيه اله ماادري منين عرف اني ماحاجيه تصدكوني لو لا
انت حسن مصدگني ماما بطلت احجيلها بطلت اصادقها بطلت اسمع نصح منها مو هسه من زمان كل مااتقربلها تبعدني
اتقدم خطوة تبتعد الف تعبت واني اقلدك حتى تتقبلني بكل مناسبة جاي تاذيني

اتقرب عليه هو

.. على كيفج انتِ هم ترديلج حجة انفجرتي شبيكم شجاكم ليش هسه البجي.. كتلج انه اخابره وافهمه ونرجعهن انه لو اعرف اتقرضلج واوفيهن من شغلي  مااخليج بحاجة
امي تتحسس وتخاف عليج تصغرين بعينه اذا من هسه تحتاجيه وانتِ عدنا لو عيب يحسج جاي تستغليه من هالباب

.. واني شبيه اروح اكله اريد ادخل وماعندي فلوس تعقلها انت
الله عليك اتصل هسه كدامكم والله والله ياماما بعد مااحجي وياج من صدك تعبت ومليت

سكتت هي تمسح بوجهه واحسها اديها ترجف ضايجه كل عقلها اني اخليها بهيج موقف

كام عليه جدو باسني

.. جدو ماكالتلج شي على كيفج انتِ هم شبيجن متحملات وحدة ع الثانية شالقصة

.. ماگالت شي بس ولا مرة فرحت فرحة كاملة اذا مااتنغصت عليه بسبب عدم فهمها الي واتهامها