حين تحلق الفراشات

71

يسعد صباحكم ❤️

آسفة ع التأخير واني اكتب البارت نصه انحذف عود مترهية كاتبة نصه البارحه 🥴🤕
اضطريت اكتب من جديد هلكت ووراي گعده من الصبح للمدارس 🙆‍♀️

......

ماس..

جية حسن وتواجدنا سوا ابيت جدو قللت الوحشة مو مثل اول ايام ضوجة عندي كلش خلصناها تحشيش وضحك انوب اجتنا حالة نعوف الاوقات كلها بالليل شكو سالفة تضحك شكو جوع ينزل علينا بعد الساعة ١٢ عود نتحرك ونضحك ع كيف بس بيبي علاجها يخليها تگعد كل شويه تروح للحمام ومن تلگانه نضحك وناكل تصيح بينا تگول اطيرون نومتي بضحكم
وكل شوية عايطة احنا ننسا نفسنا وهي خلت عقلها ويانا

تونا مترزلين من بيبي وضاحكين لحد ممدمعين سدينا باب غرفة حسن وگعدنا

الخبيث اتصل بحسين فاتح مايك وگعد يشكيلة مني يگله تاكل وتشرب هيج وكت واني من يمي متعذب عليك
وهي گاعدة بحضن الصوبة ولاتگول عندي رجال بالبرد هسه شلون ادفه وهو ماكو مع الاسف اختي ماعدها احساس ولا شعور بالمسؤولية

انوب حرجني اغمز اريد ولا يهتم

ضحك حسين وجاوبه

.. الف عافية من تشبع هي انه شبعان واذا هي دفيانه مو مهم انه ادفا ابرد شتريد منها حسن لاتشد وياها زوجتي امانة يمكم مخليها

مديتله الساني اقهر بي وقبضت كف ايدي احركه ابطن كفي الثاني هاي الحركة تضغط المقابل جنا انسويها واحنا جهال

كفخني براسي وصار لوتي يگل لحسين ردت اجربك عندك ثقة بيها تتمنالها الخير لا

ظلو يضحكون وطلعت اني على صوت بيبي اتعارك ماما بسببنا

بس ماما عادي عدها ماتهتم خلصتها خيولون يمه هسه اطيح حظهم ماخلوج تنامين وظلت ماما تحجي علينا ونعرف حجيها تريد ترضي بي بيبي
انوب اني وحسن بغرفته نريد نسكت من الضحك منگدر

مصيبة من احس ميصير اضحك الضحك مدري منين يجيني
بيبي فهمت احنا نتحداها ونقهر بيها وماما غسلتنا غسل حتى على حسن غلطت وهي ممسويتها قبل شاقت بيبي حيل انقهرت والله هي بيبي صايرة اعصاي وتتحجج ع الزعلة

قررنا من الصبح نروح البيت بابا نبقالنا يومين هناك لمن تنسى الموضوع الحجية يلا نخلص

ثاني يوم من الصبح
راسلت حسين ابلغه بعد مارفض اتصالي لأن يمه الآمر

.. حبيبي عادي اروح البيت اهلي

.. ليش هسه انتِ وين

.. هسه ابيت جدو اقصد بيت بابا مؤيد عادي مو

.. بعد انتِ گلتيها هم اهلج طبعاً عادي وهذه الايام اعياد راس السنة.. بس اذا تگدرين مري الأهلي وياج بعد يومين باركيلهم دخول السنة يفرحون بيج الوالد يسأل عنج ومبين مهتملج بينيله اهتمام منج هم