حين تحلق الفراشات

48

يسعد صباحكم❤️

....

أرهقني حنيني إليك
فأين أنتِ ؟؟؟
ولماذا تماديت في الغياب
حقاً
أفتقدكِ
وصدقاً
أشتقت إليكِ

...

.. عايش مؤمن صدك تحجي جهاد عايش

عَلا صوتي متناسيه اني بردهه وبيها مرضى ومرافقين

.. لج ياقوت جهاد عايش متصل بمؤمن عايش

الوو مؤمن تسمعني فدوه اروحلك متأكد هو جهاد فدوه اروحلك احجي

اتنفس بعمق وبصوت ضاحك جاوبني

..  اي يابه هو هو بس تعبان مصوب وكل هالفتره عد رجال جبير هو المداري وي ومرته ماعدهم احد والحد اليوم محاصر ميكدر يطلع خاف اسمه متعمم ع المفارز منتظرين سيد رياض يسويله حل هسه جاي يتواصل وي ابو البيت

.. تليفونه خو مايمهم

.. لا مامحصلين منه شي تليفونه عنده

ياقوت جانت تبجي واني من سديته واشوف المُرافقات والمريضات كعدن يسألن شكوو بس زمرد فاقده مو حاسه بشي 
متت بجي على حالها فرحانه وكلبي مكسور عليها ظلت ياقوت تحجيلهن وتبجي ووحده عبالك فتحنا جروحها ماسكتت ابد
كالت

.. الحمدلله وطلع عايش وقر عيونجن شايفه هذا القهر اني ومار عليه اخويه بذيج المناطق قبل لينتشرون هالانتشار باطراف ديالى طالع دوريه والضابط مالتهم بايعهم دازهم المكان مو مسيطر عليه اصلا خارج سيطرتهم
بحيث محاصرين من كل مكان حتى نسوانهم واطفالهم طالعه وياهم هاجمات شتكولين علينه من نشرو كلشي وشفنه عملية قتلهم
اول ما هاجموهم من كل مكان بالطابوك وبعدها حركوههم وهم عدلين دارو عليهم بانزين وحركوهم

انهارت وهي تحجي

.. وهذا حال امي صار تلث سنين مو هسه بوكت جان اهون من هيج  من يومه خلصتها جلطات وابويه راحت وحده من عيونه طفت من كد ماينوح شنسوي جبناها من ضيم الضيم
امي شافت الضيم بحرب ايران كل مره يصعد بيها ابوي للحرب تخلصها بجي ودعاء الى ان ينزل فوك هذا محتاره بعيشتنا
اخوي خريج هندسه بس مالكه تعيين قدم ع الجيش وراح للموت بأيده  لو تدرين شلون امي كبرتنا بالصيف تبيع جامد وتمر هند  وبالشته لبلبي وباكلا مامدت ايدها ولايوم شكت وضاجت  الحد تقاعد ابوي مايدري شنو العيشه هي مكفيته بكلشي وهذا مجازه تعبها رادته يكبر تفرح بي تالي خله مرته بعز شبابها وشايله هم طفلين
الله لايشوف اختج مكروه ويشافيها ويعافيها ويجمعهم ان شاءالله والله يبرد كلوبنه وكلوب امهاتنا ويساعد الي هناك وجوه رحمتة الماعدهم رحمه الله يعينهم شحالهم هسه

دعيتلها وظليت اصبر بيها ولو ماكو كلمة تصبرهم

واني كلبي نار
راسلت مؤمن