يسعد صباحكم حبايبي
البارت بدون مراجعه مجاي الحك اني والوقت نتسابق..
......
من فرحتي بـ شوفتك ضحگن عيوني،♥️
......
زمرد..
بلغتني فيروز بموضوع مرتضى فرحتله وهم فرحت اني لأن ابويه مراح يواجه احراج اذا هو خطب قبلي
اتصلت بجهاد.. بالدوام اني اتهرب منه وهو هم يكتفي بالنظرات ومرات يتعمد احراجي من يطلب مني اشرح ويراقبني احس عيونه تاكلني حتى البنات انتبهن ولو هنه يعرفن خاص هدى هو الي مكلفها تتقربلي هذا هو الي حجاه هدى تصير اخت صديقه وعلاقتهم قويه جيران ومداخلين بينهم واكو نسب بينهم حمه اخته الكاعد وياهم متزوج اختها
الموضوع يدوخ بس هم اقارب وجيران واصدقاء
اتصلت بي الغي موعد اليوم ع اساس العصر يجون اهله جنت متوتره حيل ونقذتني فيروز من كالت اجلي
اتصلت رفضني واتصل هو
.. الوو
.. هلا حبيبتي شلون الصحه
.. الحمدلله بخير.. جهاد تكدر تأجل موضوع جية الأهل كم يوم
.. اگدر اعرف ليش وشنو الأسباب
.. بصالحنا التأجيل
.. يولي بصالح منوو والله عليتي روحي اني الليل كله منايمه منتظر اوصلهن اليوم ونستعجل بالطلب تكليلي اجل
.. تسهل الموضوع عليه انتظر اسبوع بس
..هوايه هيج
.. حتى ميصير الي والابويه احراج ابن عمتي يخطب اليوم خلي الكل يعرف حتى ميعتبرون ابويه فضل عليهم غريب
حسيت صوته اتغيير
.. افهم منج ابن عمتج كلها تدري بي رايدج يعني من زمان انتوو البعضكم لو شنوو
.. يعرفون اكيد لأن الاقارب مينضم شي منهم مواضيع تنحجي عادي
.. انتي رافضته من الاساس لو جنتي قابله وبالجامعه غيرتي رأيج
.. لا من الأساس رافضه اني مااحب زواج الأقارب
سكت شويه حسيته يدخن من صوت الجداحه وانفاسه
ََ
.. هالصفه مشتركين بيها اني وانتي
.. شنوو هي
. زواج الأقارب مااحبه اني هم العدة اسباب.. المهم الي تريدي يصير بس اطلب منج طلب.. ابن عمتج لاتذكرينو يمي يولي افهمي عاد اغااار
ضحكت ع لهجته مكسره بس اكثر شي يحجي بغدادي بس الواو بنهاية بعض الكلمات يحجيها ع طول وحتى بالدوام مرات
.. من شنوو تغار ترى الولد خطب وموضوعي انتهى بالنسبه اله
.. انهي انتي هم خلص لا كل ساع ذاكرتوو..زمرد تنورتج الي لابستها اليوم ضييگه حيل عبالك.. تمشين مربطه بيها شجابرج علليها لبسي شويه اعرض
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
