حين تحلق الفراشات

3

مثل ظلي وعذاب جفاك

كل لحظة يتراوالي

وازيحك من رفيف الروح

ما تنزاح من بالي

........

فيروز..

حمدت الله وشكرته يارب الف الحمدلله

بلغت بيبي وزمرد مسحت راس ماس النامت ودمعتها بعينها بستها ودعيت ربي يحفظهم الامهم وميحرمهم من بعض
ظل بالي يم ياقوت شنو وضعها صحتها
نقطة ضعفها جهالها عايشه الاجلهم
تخاف عليهم الدرجه وحذره حيل وتخاف من كلشي هسه تحمل نفسها مسؤولية الصار واكيد خايفه من ردة فعل مؤيد وعمتي

يارب ارحمها وارحم ضعفها وقلة حيلتها
انطيها القوة للصبر وطاقة للتحمل لان هذا عمر طويل وهي ابدايته ويمكن الجاي اصعب

اتصلت مره ثانيه وابويه فرحني كال الحمدلله الحد هسه كلش زين وياقوت انطوها مغذي وابره تهدأها ونامت نامن انتن بابا ارتاحن

نمت واني بعدني احس مو مرتاحه وروحي لايبه الشوفته كلت  بس يجي احد منهم ياخذني اروحله حبيب خالته حسون

. كعدت وره ساعتين  انتظرتهم للعشره محد اجه خابرت ابويه  كال اني راح اجي ارتاح ساعه ساعتين ابدل وارجع ياقوت ماتقتنع تجي وتخلي ولا عمامه يقبلون وحته اولاد عمكم الباقين كلهم هنا

كتله

.. يابه  اني اريد اروح الياقوت

.. وين تجين يابه هوسه والدنيا مخبوصه هو من ينتبه ويصير عنده وعي اجيبج تدللين بس هسه شنو جيتج

.. يابه جيتي الياقوت لاتنسه هي وحدها هسه

تنهد بحيره وجاوبني بتعب
.
.. صح يابه حقج اني ناسي يحتاج وحده وياها تحس بيها تقويها بس هي قوية وسباعيه اليوم اكتشفت الوكعات والصدمات قوتها الحمدلله ع كل حال

بجيت من سمعت صوت ابويه بأخر كلمات اختنك بالعبره يجر حسرات ع حال بنته البكريه

نهيت الاتصال واني افكر

اوووف ياياقوت شتشوفين بعد انتي وعيتي ع مرض امي وفراكها وبعدج طفله واترملتي

شنو المضموم الج

بيبي اصرت تروح هي هم
وطبعا اجه بابا خطيه تعبان ومقتنعت تنتظره كلها الولد وصلوني هنا هم يردون يغسلون ويصلون  نص ساعه وروحن وياهم واني الحكجن

صدك حضرنه نفسنه بسرعه وبيبي عرك ويايه كل شويه وكالت ليش متبقين انتي وزمزم تروح تقصد
زمرد بقت يم بابا كالت احضر الاستقبال هم خاف يجون اولاد عمتي وباقي ولد اعمامي يباتون هنا اليوم

حضرت نفسي لبست صايه وكفت الف بالشال وبيبي تحجي

.. كافي ولج بساع الج خلك وابن اختج بين الحياة والموت