حين تحلق الفراشات

٤٠

يسعد صباحكم حبايب

اشكر كل الي سئلوو عني والي عذروني طبعا بالبدايه انقطاعي ايام العيد كانو عندي بيت اخويه واقاربي خطار لمه حلوه كانت انشغلت بيها عنكم وبيوم الي راحوو جنت ناويه انزل بارت لأن اتأخرت عليكم واتي اقطع باللحم الخار اجونه فجأه  اخذني الواهس وقطعت ايدي الخياط دمار طبعاً
ثالث الم بعد الحرق والولاده الخياط خاص باطن الكف 😩
الهسه مملتم و جاي اخليله علاج بس منطقه رقيقه واني اضطر اتحرك بيها يعني مااتوب

المهم هذا البارت صار اكثر من يومين اكتب واقطع بي مااتحمل اضغط عليها اليوم جبرت نفسي اكمله اكثر من ٥٠٠٠ الاف كلمه
طبعا شكرا للأخت والصديقه الناقله للقصه بالفيس رسيل محمد هي الي ساعدتني بتعديل البارت وتصحيحه

......

‏هلي وربعي
وحبيبي ودنيتي
‏لچماتكم بهداي بهداي ..

زمرد..

رغم الكلام الي سمعته منه ووعده بان ياخذ حقي بقيت مكسوره واتذكر مدة ايده الي والموقف الي خلاني بي كدام ابويه واهلي كلش صعب احساسي خاص من حسيت بابا يتشمت بيه يمكن مو هذا قصده بس اني هيج حسيت حسيته متشفي.. مرت فتره
ظل على اتصال وياي يسألني عن نفسي والجهال بس اتصالاته قليله وكان اكو حاجز بينه وهو هم مو فارغ  بعد عدهم مشاكل تفكيري ذبحني و خوفي عليه اكثر وفضولي يقودني اسأل واسمع منه شنو سوه والي عرفته سلطان مطلك زوجته وابنه هم مطلك مرته بس احمد ابن سلطان عايفهم ورايح وي امه والعمام بينهم مشاكل شي مأيد جهاد وشي ضده مااعرف شلون متحمل كل هذا هو وبعده يحاول.
اني ابيت ابويه واحس نفسي غريبه شلون هو حاله هناك.. جهالي مماخذين راحتهم اي حركه منهم ينكلب الببيت رغم بابا مو هيجي
شايفته وي جهال ياقوت تعامله حلوو ويختلف بس هو محمل جهالي ذنبي وذنب ابوهم
محمد صار يتنحس يريد وي الجهال يلعب براحته وهو ذكي حيل ويفتهم صار من يجي ابويه يبتعد وينزوي بعد مازجره اكثر من مره
ابويه متأذي عليه اعرف بس الجاهل شنو ذنبه

كمت اخذه هو واخوته نكعد وحدنه بالغرفه وصيتلهم العاب احاول اشغلهم بيها بجية بابا من الشغل
حتى اني مااطلع بوجوده الا اذا مضطره وشغلي انهي قبل موعد جيته ياقوت مشغوله بالامتحانات ودراستها
فيروز تجينه قليل وتروح متريد تغير جو ع ابنها بس هي ع طول تتصل بيه وتفهمني وضع جهاد الي متواصل وياه مؤمن طول اليوم ويعرف كلشي عن تحركاته
هو مصر على انو اهل مرت سلطان  يشيلون واهلها ميقبلون وجاي يوسطون العمام صادفت بهذي السنه اكو احتقان بمناطقهم سنة ٢٠١٣ من تعامل الدوله وكيف تمييز وتستخدم اساليب مستفزه بيها ظلم الهم نوعا ما لأن الاغلبيه مالهم ذنب   وهالشي خلاهم يتعنصرون بينهم لذلك بعد شهرين من المشكله وهجومهم ع البيت افتر الموضوع من حق وباطل الى انصر اخاك ظالماً او مظلوماً
عمامه اخر قرار مبلغينه انو انت رجال تارك الديره من زمان ومتزوج غريبه والخاطرها جاي تهجم بيوت وتشرد عمام مو من حقك لان انت ماساكن هنا ولأن ولدنا مانفرط بيهم علمود نسوان
نسوو هو شمسوي بي قبل ونسوو انو اني زوجته وصرت عرضه وهو اتعده عليه كلوله ماكو اثبات والرجال طالع اطلع وراه للخارج اكتله هنا اهله بحمايتنا هجمت عليهم. وحركت وضالو وهسه صار وقت يرجعون