حين تحلق الفراشات

14

يسعد مسائكم..

طبعا تأخيري بسبب الربوو الهايج عليه اتي وجهالي مشكله كل موسم احنه هيج خص اذا الجو حار والكهرباء مو مستمره

كل كره نروح للمستشفى اخذ اوكسجين اصير احسن هالمره اخاف اروح واتحجر لان نفس الاعراض ضيق تنفس وافلاونزه يجلبون بيه بالحجر 😁
بقيت ع العلاج والبخاخ ووصينه الصيدلاني ع قنينة اوكسجين للاحتياط
المهم حبايب ادعولي الله يخلصني من الربوو كومه اطباء رحت ومن احسن الاطباء يكلون مزمن ولازم تجنبين نفسج الظروف الي تهيجه هي مو بايدي شلون اتجنب؟

حبايبي البارت قريب ل ٥٠٠٠ كلمة تعويض عن بارتين
ها وهم بدون مراجعه 🙈
...
ليش ؟
يا تالي الحبايب
ليش ما گتلي على غفله ؟
وضيعتني ..

......

مخليه ايدي على گلبي خايفه حيل خايفه يطلع الكلام الي كالو عنه صح وخايفه مظلوم ونفترق وخوفي من فكرة انو نفترق اكثر
اسمع صوته عالي يتوسل بابويه يفهم منه

.. عمي ابو ياقوت هذا مو كلام اني احجيلك كلشي وخليك بمكاني وفكر زين وقبل كلشي زمرد اني رايدها وشاريها بعمري وهي هسه زوجتي بالشرع والقانون اني عن نفسي مااتخلى عنها الاي سبب ومتحل من ذمتي الا واني بگبري.. هذا حتى اكون صريح وياك يبقى زعلك حقك وعلى العين والراس اني ارضيك وحقك تاخذو من هين من عيوني الثنتين

.. هذا كلامك مرفوض حتى لو جانت ابيتك مو بس ع ذمتك وزواج ورق اني اخذها مامستعد اخسر بنتي بين كل هالصراعات وكلشي ولا قضايا الارهاب عندي لو ابني اتبره منه

مبين من صوته انفعل وحاجه اخوو جاي وياه

.. يول فهموو الي صار ماعدت اركز اني.. ياعم افهمني انت على راسي والله وحقك بلي تكولو.. بس الموضوع عداوات والله ومشكله من يكون العدوو دموو دمك عدوي مو بعيد خليني احل مشكلتي واجيبلك دليل

.. دليل على شني اريد تحجيلي جمله مفيده هسه تفهمني بيها الي صار انت عليك دعاوي صح لو لا

.. عليه صح

.. هذا هوو طلك واتوكل وحتى الغايب متنازلين عنه

..تشيل ذنبي هيج بالله العظيم..

حجه اخوو

.. ياعمي افهم منوو وانطي فرصه يثبتلك صحة كلاموو

. فرصة! انتو مستوعبين الكلام ارهاب وعداوات وبنتي دخلت بالموضوع حتى لو صح كلامه عيشه مامجبورين عليها بناتي مدللات كرست عمري الهن حتى ماعدنه ذيج العلاقات الاجتماعيه هنا ناس على كدنا كل همنا نعيش بسعاده وبدون مشاكل مبتعدين عن كلشي

..قسم بالله طلاگ مااطلك.. القصد مو عناد بس وعد الها والنفسي مو اني الي افرط بيها الاي سبب كان
اني واثق من نفسي وبرائتي.. احجيلك كلشي وانت احكم