حين تحلق الفراشات

10

مساء الخير حبايبي اشكر صبركم ودعائكم الي والحمدلله مجربتكم اكثر من مره ربي يكتبلكم السلامه ويحقق امانيكم

كتبتلكم بارتين ابارت واحد
اتمنى تعذروني ترى والله مجبوره لو عندي مجال ولو شويه مااخليكم تنتظرون

....

فيروز..

بيوم الحنه بين الفرح والخنكه تاهت احاسيسي فرحانه لأن الي اتمنيته صار الي وربي جمعنه على خير بدون تعب وخوف فرحانه ومستعده للحياة وياه وعندي حماس كان أن ابدي حياة جديده وي الأنسان الي اختاره عقلي وگلبي

بنفس الوقت احس روحي مختنكه افارك بابا بيبي زمرد
ابتعادي عن اهلي يقلقني من جهه وخوفي عليهم من جهه ثانيه
وهم حسبت حساب هناك منو الي ارتاحيت لأن ياقوت يمي
شكد البشر يستعجل بقراراته ويضوج وبعد فتره يحس انو الامور مدبره الحمايته او رعايته
قبل فتره اني متت قهر ع ياقوت من راحت من عدنه وهسه اني وبابا مرتاحين لأن هي يمي
بهذي الليله حاولن ينسني كلشي ويعيشني الفرحه بيبي والبنات
ابويه مكدرت اباوع بوجهه براحتي احس الدمعه بطارف عينه حاول يتحاشاني الحد الليل من اخذني وصاني نزلت دموعه وحضنته وبجيت
ظلت وصيته ابالي

.. بابا اتمنى انتي راضيه عني اتمنى كدرت اعوض نقصجن بوجود امجن ولو شي قليل.. الاريده منج تصونين رجلج بوجوده وغيابه تحترمينه تتفاهمين وياه وبيت ابوج يبقى بيتج وانه مو بعيد عنكم وين متصيرن اني قريب الجن من تحتاجيني تلكيني اقرب شخص الج بس مؤمن خوش مؤمن ومراح يقصر وياج ان شاءالله

حضنته حيل وبجيت
من طلعت من يمه البنات لاكني يهلهلن ويصفكن وماس اتطفر يمي تركص وبيبي تهوس
ضحكت وياهن بعدين اخذني الواهس للركص هم اتونس وهم ردت بيبي تحجي ونتعاند بس خطيه ماحجت فرحانه الي جانت
بعدها اتصل بيه مؤمن اني زعلانه منه رضيت وبعد الرضا راحه عشت الفرحه الي محتاجه احس بيها
بهذي الليله بقينه اني وياه ع اتصال الساعه متأخره بالليل بعدها كال نامي ارتاحي ورانه مشاوير وتعب.

كعدت ثاني يوم من الصبح حاجزه الصالون ولأن شارحتلهم اني اروح محافظات ويجون من وكت بلشوو بيه من وكت وكان المكياج والتسريحه والبدله احلى مايكون
احساس البهجه غمرني لما شفت نفسي بفستاني الأبيض
صار عندي فضول اشوف هو شنو ردة فعله تكون
هو فرحان مثلي
جانت
ويايه ياقوت اتصل بيها مؤمن وكلها بعد قليل نوصل
اخذتني ياقوت للبيت انتظرناهم ابيتنه

بهذي الفتره فقدت السيطره على دگات قلبي احس كلشي بداخلي فقد التنظيم
الفرحه مبالغ بيها بنفس الوقت الخوف هم
انتظرنه اقل الساعه وصوت السيارات والهورنات وهوساتهم واصوات الاغاني من السيارات من خلالهن عرفنه بيهم اجوو قبل ليدخلون
بهاللحظة حتى الدعاء الي ناويه اشغل نفسي بي نسيته عيوني ظلت تراقب جيتهم فات وقبله عمتي والبنات
دخل مبتسم وفرحان من شفته شويه سكنت روحي بادلته الأبتسامه اشرلي بايده وحجه بس صوته موصلني من الاصوات العاليه الي فهمته هو كان عاجبه شكلي وجاي يتغزل
قرب عليه باسني وكعد يمي
اصوات الولد بره كلبوو الجوو هلاهل وهوسات
قرب عليه همسلي