حين تحلق الفراشات

٣٧

صباح الورد ❤️

البارت بدون تعديل..

اليوم حاولت اهدئ اعصابكم كد مااكدر 😁

......

اغار من اليحبونج
واغار من اليعجبونج
واغار من اليماشونج
واغار من اليشبهونج
واغار هواي من اهلج
واغار من الهوا من يفوت
واذا تموتين اغار من الجفن والكبر والتابوت

........

زمرد....

اباوعله اعصاب صاير نار واني متوتره
وحمودي اتنحس ويبجي اتخبل يريد يجي يمه وكف السياره جابه خلاه بحضنه ويبوس بي يحاول يسكته سكت وهو منتبه الطريقه

حاجيته بهدوء اريد افهمه قبل لنوصل مالي خلك مشاكل اني وحدي شايله هم المسؤوليتي والتعب الي راح اشوفه

.. جهاد ليش ضايج اني شنو ذنبي انت تعرف اني احبك وشنو سويت علمود اصير الك كل هذا وبعدك تخاف

.. اخاف شنوو ومنين اخاف

.. اني ادري شنو مشكلتك كل مرحت الاهلي تطلع الروحه عليه سم واجي الطريق كله شابعه قهر

.. لتنقهرين الموضوع مو يمج اني اقصد عليه انتي ليش تنغثين خليني احجي الي بگلبي وخلص اني فاهمو واعرف غايتوو من انعل صفاح اهلوو تركيني لاتبررين

.. زين انت براحتك وياه اني مالي ذنب مشتاقتلك ومنتظرتك تالي اشوفك مقهور وكلام يغث شيصير بيه

.. اني بأيدي لاكي الصبر وماصابر ساعتها.. تدرين شطالب هسه راسي طالب دوش مي يلله يبرد انتي من تسمعيني احجي خليني لاتلوميني

.. وترتاح اذا حجيت

.. اي ارتاح

. بس اني اموت قهر اعتبرك تلومني الي

.. مالومج انتي اعرف مالج علاقه واعرف من يجي تنعزلين ومو بحاله بس هو ليش ميكول كافي و هذا حدي

.. مخليلك جن ازرق يمي هههه

باوعلي صفح لأن اضحك

.. لا احس بيج واعرفج.. الدليل اتصالج بيه جنتي وحدج من جابولج محمد متعور اعرف انتي تحترميني وتصونيني اني مااختار اي وحده انتي حره وشريفه ادري بيج اذا اخاف واغار واقلق مو منج من غيرج الخوف منهم

.. اي هيج كول وخليني ارتاح

.. اهم شي راحتج.. نام هذا الملعون اخاف عليه يظل بحضني كلشي يصير اقل شي يتأذه لو يطفر من ايدي

وكف السياره ونزل ورجعه المكانه ضبط المقعد والحزام واجه اني احس اتشنجت من الجهال اثنينهم بحضني اخاف اخليهم بحمالاتهم ويتقيأ واحد منهم واني ماادري يروح يشرك ويختنك
ظلينه نحجي واسأل بي كومه اسئله ابالي بخصوص القتل عدهم
كلي ان شاءالله كلشي ينحل
من وصلنه لكيت البيت مرتب ومغيير بغرفتي الديكور علمود يخلي كاروك الصغار
حلو ترتيبها بس هم مكياجاتي وعطوراتي ماكو خرب حظي الروحه القبلها لكيته ذاب نصهم والباقيات لمن مليت من كد مدورت يلله كلي مخليهن بصندوق داخل الكنتور
هالمره وين موديهن اول مافات لكاني ادور ضحك كال خليتهن هنا