حين تحلق الفراشات

16

ما ضرّك لو كنت مَرهَمي يا مُرّ هَمّي؟
فلتقل مرحباً او مُر حباً و أحيني

.......

يسعد مسائكم..

بارت مفاجأ لعيونكم😍

واكيد بدون مراجعه 😁

......

مؤمن..

التحاليل مطمن بخير ابد الطبيبه زيدت خوفي بس كالت احاول احافظ ع الرحم وازيل الاورام والعقد بس المشكله بيهن على اورده صايرات اقل خطأ يسبب نزيف وبحالة النزيف نضطر نرفعه لأن خطر على حياتها
يومين انه النوم مشايفه افكر بيها توصل الكلمه الطرف الساني واريد ابدي افهمها وابطل لأن هي خوافه اذا عرفت مستحيل ترضا راح تعاند ويحتاج شهر زمان يلله نقنعها بهالشهر يمكن يتفاقم الوضع
اول مره مااكدر اشارك همومي حتى الاعز صديق عندي الي هو علي
كتله مريضه وخلص
اختها ابوها مااكدر ابلغهم التفاصيل بس هم عدهم علم الرفع للاورام والعقد بس
حتى من فاتت مرت ابوي واتهجمت مالي خلك الها حجيت كلمتين وتركتها لأن حالة فيروز ماجانت تسمح
الليل كله اراقبها للصبح
الاثنين صعبات عليه احرمها واحرم نفسي من اغلى الاماني الي متمنيها امنيتي اتزوج واخلف حلمي جان هذا
بس هم مستحيل اتحمل خسارتها بانانيه مااكدر افكر بنفسي وبس ويجوز حالتها تتضاعف وتطور
هي سلامتها اولى

الصبح خلصتها تلوم بيه عذبتها بهالعمليات الي ماجاي تشوف بيهن فايده انه مهموم وحجيها يزيد همي توصل الدمعه الطرف عيني وابعدها اتظاهرت القوة يمها رغم جنت فاقدها
مؤيد وياي وفيروز وعمي لحكني مااجه ويانه خاف تشك بشي وتخرب كلشي وماتدخل تبطل تسويها تتصرف بلايا عقل مرات

دخلت للعملية الطبيبه كالت عملية صعبه
طولت اكثر من ساعه ونص عبالك سنه واكثر
الحد مطلعت الطبيبه ومساعداتها مخبوصات رادت توقيع سريع رفع الرحم لان الخايفه منه صار
عدها نزيف قوي ميسيطرون عليه
وقعت وابوها موجود ياقوت اتخربطت واحتار مؤيد بيها
طلبوو صفائح دم وبلازما
اركض بين مصرف الدم والفحص احس نتصارع انه والوكت
جهزت كلشي مؤيد ويايه شويه واجه مرتضى وعلي ماادري منو مبلغهم امي وياهم الهسه خوفنه عليها وبس محد مفكر انو هي انحرمت من اهم احساس همنه هي
حالتها تخوف الطبيبه تأخرت من دخلت مره ثانيه دعيت ربي انهاريت بأخر وكت بجيت ونزلت دموعي طالب الدعاء من ابوها كتله عمي ادعيلها انت
امي تواسيني بدموعها ودعائها ياقوت كل حيل مابقى بيها
طلعت واخيرا بلغتنه تم رفع الرحم مع الحفاظ ع عنق الرحم والمبايض وتمت السيطره وحالة المريضه استقرت
ارتاحينه من جهه خوفنه بس ماكو راحه وي هذا الأمر
من صارت صدك حسيت گلبي اتگطع انمردت روحي بحياتي شايف انواع القهر بس مثل قهري بساعتها مستحيل
ابويه اجه اول مره حسيت روحي صدك محتاجه يواسيني ارل مره ارتاح بحضنه وتنزل دموعي بدون خوف ومكابره
انتظرناها تصحى
صحت تآن من الألم وياها عتب موجه الي مسحت دموعي راسم ابتسامه
بس هي حيل متأذيه طلبت ينطوها مسكن ورحت اكمل الاجرائات وبلغوني انو لازم ينزرع وهم ننتظر النتيجه هنا دغيت ربي من صدك لأن خلص ماعندي طاقه بعد ولا وسيله اقنعها بيها للعلاج
الي شاغل بالي شلون انطيها خبر شلون اكلها الصار