حين تحلق الفراشات

35

مساء النور ❤️

..
أمس بهداي جاس الخوف روحي

........

تجاوبين

.. كليله نايمه

جاوبته ياقوت كالتله نايمه

غمضت عيوني واتمددت كافي هذا هو هي جانت حسرة بكلبي وطلعت ازمه وعدت صعوبتها الليله اني هذا الردته على شنو اضوج بعد يبقى هو ووفاءه المهم رضيت ضميري وربي قبل كلشي اني ايماني بربي ينصفني ويريحني لأن كل السويته ارضاء اله واحتسبت عنده امري

فتحت عيني خواتي يباوعن الي زمرد دموعها موكفن ابد

.. كافي تبجين هي حسرة بداخلي طلعتها وارتاحيت هذا هو
هسه اني كلش زينه نامن انتن
لاتباوعن هيج والله مابيه شي حنت مخنوكه وهسه كدامجن كلشي مابيه

.. ترتاحين فيروز! هسه انتي مرتاحه اني ادري بيج تخطبيله واخليج شنو من عقل عندج وهو ليش هيج بسرعه وافق وصارت ميكدر يصبر يعني

.. وصبر عشر سنين ١٥ شنو مثلا يصير عدنه اطفال لو شنوو حالتي ميؤوس منها ليش اخره بدون نتيجه
اني ليش مااواجه مصيري احسن تشوفيني ضعيفه وانسحب عمري ماضعفت بشي من اني طفله يضعفني حالي هسه؟

.. فيروز السويتي ضعف قدمتي زوجج بأيدج هذا ضعف منج المفروض متقبلين مجبوره انتي تتحملين هذا القهر

.. يعني تردين اصير انانيه بس حتى يبقى الي بس يلله اصير قوية شخصيه وحبي مسيطر عليه اني قياساتي تختلف للحب شلون هسه انتي متحمله جهاد وتحبي بعيوبه مؤمن ميستاهل احرمه من شعور انو يصير اب وهو لا عنده اخ وعاش وحيد ليش هالحرمان
انتي تحسيني ضعيفه بالعكس اني الي جاي اسوي لو ماقويه مااتحمله جان ماواجهت مشكلتي
وخيرت نفسي.. الف مره من شلت الرحم الحد اليوم الي خطبتله ولا يوم نمت واني ممخيره نفسي بين اتركه وانفصل واخلي يتزوج وبين ابقى وياه ويدوم حبنه وانطي فرصه وانطي النفسي وهم بزواجه

ولا يوم ممفكره بهذا اليوم اني مقتنعه
ماكدرت انفصل احبه مؤمن مازارع بگلبي غير الطيب

.. وهسه وي كل هذا تبقين تحبينه منو يكول ميتغير

. هسه اني حبيت وانطيت وانتظر منه هو ينطي شوكت مااشوفه ميستاهل السويته انسحب واعيش حياتي الحياة متوكف على شخص بس مو كل شخص ممكن يتكرر الزين يستحق اصبر عليه وانطي فرص وبعدها الكره بملعبه شلون ميكون يلكاني

ياقوت سكتت زمرد اشرتلها وخزرتها بعينها

وحاجتني

.. حبيبتي ارتاحي ولتضوجين السويتي صح اني وياج ومثل ماكال بابا وكلنالج احنه انتي ابقي على هالقوة العندج ولو مال عليج لتميلين ابد انطيتي بما فيه الكفايه هسه انتي صاحبة الحق ومقصرتي بشي
ومؤمن ان شاءالله ميخيب ظنج ويبقى مثل ماهو واحسن