حين تحلق الفراشات

43

‏حتى و أن كانت يداك جمراً سأتمسك بها
....

زمرد..

بليلتها الحزن خييم على گلبي ابويه مراح يقتنع وجهاد تعب واني الشوق ذبحني وجهالي محرومين من ابوهم وحنانه شنو الاسوي شلون نرجع ننجمع. وبنفس الوكت خوفي ذابحني بس ظليت الوم روحي
خاص بعد كلام فيروز وياي وتنبيهه الي انتبه الكلامي وفكري واعرف زوجي شنوو شلون اشك بي
فركت وجهي  اني شنوو هالغباء جهاد اخر من يفكر بهالأمور هو ابد مو مجرم ولا طائفي حتى اكول نصرة العقيدته انظم وياهم
يارب تعبت ريحنا الهي

بعد ماطالت الحسبات وي انكسار روحي من اتذكر نبرته وهو يتحاجج وي ابويه ومرتضى وبحة صوته وهو يشرح بتعب وحسراته الي اطلقهن بأتصاله وهو يرزل بيه من جهه ومن جهه ثانيه يطلب مني مااطلع ولا اخلي مرتضى يشوفني غيرته حاضره بكل الأوقات بأصعبهن وامر ايامي وبأحلاهن الشي الوحيد الي ميكدر يغيره ويخفي

اخذت فوني اتصلت بي مارد عليه ظل بالي عليه من الطريق رجع وهو ضايج واني ضوجته اكثر
عدت الاتصال هم مارد
تعبت حيل مالي طاقه حتى افكر طلعت يم بيبي لكيت ابويه كاعد
من شافني سأل

.. تتواصلين وي زوجج انتي

.. سكتت وبيبي غمزتله تسكته بيومها اني مقهوره وطبيعة بشرتي من انقهر واكتم وجهي يصير احمر حته بحرارته احس
سكت هو واني ظليت منصيه راسي من كام حاجاني

.. ليش متسمعين الكلمه وتخليني اقدملج دعوة وتطلكين انطيتج مجال هواي

احس كلبي انخمش باوعتله ورجعت نصيت راسي وحجيت 

.. اني مااريد اطلك يابه

..ظلي عاندي تاليتج ارمله اذا مو مطلقه رجلج حاله حال اهله بشنو يختلف عنهم مثلاً

غوركت عيوني وكلبي وجعني منا خوفي منا قهري احس اديه مجتفه

..ميخالف كلشي قابله بس ابقى بأسمه

حجيت وصوتي يرجف وكمت راجعه الغرفتي اسمع بيبي تلومه واني شبعت بجي وع بجيي جهالي بجوو حمودي يبجي ويمسح بدموعي وروان ومروان يباوعولي ويبجون اتذكرت من طلع جهاد عصبي ميشوف من عصبيته ومحمد مجلب ابنطرونه يجر برجله وهو يمشي بهمه طالع من حس عليه شاله شمه وباسه وعافه وطلع ومحمد بلاعيمه اتشحطت من البجي بعده مشابع منه بجيت اكثر واني اباوع الهم

حظكم اتعس من حظ امكم بعمركم صدك يتيمه بس جنت مدللة انتو يتامى وابوكم بالوجود

رن فوني شفته رقمه مسحت دموعي وجاوبت صوتي واضح عليه بجيي وقهري حاجيته

.. الوو

اتحسر وسحب نفس عميق احس الحسرة بگلبي زادت

شهكت بنحيب

.. زمرد لاتبجين ارد افهم شبيج

انفجرت ابجي محتاجته محتاجه حضنه ويطبطب عليه محتاجه اسمع منه كلام يطيب خاطري ويهون عليه نسيت اني شنو حجيت وياه واني الي سديت الفون بوجهه