حين تحلق الفراشات

20

يسعد صباحكم طبعا التأخير هالمره من فيروز مو مني هي تأخرت عليه بتفاصيل مهمه بالبارت

....
..

وبكيف الظروف نعيش محد عايش بكيفة !

.....

زمرد..

بعد الصلاة اخذني الحضنه تعبانه حيل وبلاعيمي رجعت تحركني وطبكت اكثر خاص بعد السبح الجوو بارد جان من كد مبردانه حشكت نفسي بحضنه واسناني اطكطك كوه كملت صلاتي من البرد هو اشوفه يتحرك طبيعي حتى شعره جان ممنشفه زين بس مخلي الخاولي ع كتفه يكول مااحب انشف شعري متعود عادي عندي من شافني بردانه حيل ووهو متمدد يمي اخذني الحضنه حيل وظل يبوس براسي ويشتم بشعري ويحركه باطراف اصابعه بخفه باقيه بي رطوبه قليله بعد منشفته طويل حيل ومينشف بسهوله حتى من انشفه وامشطه كلي غير تنشفي زين حته متبردين وانتي مريضه
مجاوبته بس حضنته اكثر
نمت من التعب ماحسيت الا الصبح متأخر ساعه عشره رن تليفونه جاوب وايده الثانيه محاوطتني
اسمع شخص يباركله وهو يرد عليه الله ببارك بعمرك نفرح بالولد ان شاءالله
الي فهمته اخوه يكله نريد نرجع للرمادي يسأل تتأخرون لو بعد
جاوبه كله لا هاي كعدنه ساعه ونص احنه يمكم

عاف فونه وباوعلي ابتسم

.. صباح العافيه عمري

باسني بادلته بابتسامه اسرتله ع بلاعيمي مااكدرر

.. اووووف بعدج هيج الليل كلوو اراقب حرارتج قلقتيني برجفتج بحضني جنتي ترجفين حيل ليش حبيبتي

بشفافي وصوت قليل كلش ينسمع كتله

.. بردانه

.. يخسى البرد

دك ع صدره يضحك

.. اذا هذا مايدفيج شنو فايدة عرضوو والمن افرح بالادين اذا مايلفنج ويدفنج

ضحكت باسني حيل بين شفتي وخدي

.. ليش متثبتين حتى الهدف يجيب نتيجه ليش التشويش مو نيتي جانت هنا

اشر ع شفافي

.. يالله ياعمري جهزي حالج نتوكل بيتج بانتظارج

اشرتله منو هناك

.. خير من الله الاهل كلهم العمام وولدهم والاخوه وامهاتي.
بايتين يم اختي وقسم عند ابن عمي ويردون يرجعون لازم يباركولي

بين عليه الخوف والارتباك واني احضر ماجنت مركزه

هو كمل ويرش عطر شافني مخبوصه اخذ ايدي باسها

.. شوي شوي على كيفج اهدأي وكلشي تمام ليش هالربكه اني وياج حبيبتي ماياكلون اوادم والله ههههه..

اقل الساعه جهزت نزل جنطتي ونزلنه السياره مخليها اله اخوو بالكراج بالفندق انطه جهزوها عمال الفندق طلعنه الطريق كله بالي يم ابويه شكد متونست وشكد مافرحت بس باقي زعله غصه بكلبي وغصه جبيره هم
ياقوت رادت اتصل بيها بس مااكدر احجي شاتصل كلت من اوصل وارتاح اراسلها بس فيروز بالطريق ودكت عليه فيروز انطيته اله مااكدر احجي سلم هو وباركتله كلها بلاعيمها فد مره بس نوصل اني اجيبلها علاج كن توصل تراسلكم صوتها مختفي
وليظل بالكم عليها زينه هي وكلشي تمام