حين تحلق الفراشات

60

مساء الخير..

طبعاً البارت ردت اختصر بي او اعبر هالحدث بس نزولاً الرغبة ماس بالذات كتبته

البارت قريب لل٦٠٠٠ كلمة تعويض عن بارت البارحة واليوم
......

قوم إذا نودوا لدفع ملمة
والخيل بين مدعس ومكردس
لبسوا القلوب على الدروع وأقبلوا
يتهافتـون على ذهـاب ألأنفس

.....

ماس...

عندي امتحان باچر وكل ماالزم كتابي اقرأ
اخذلي ورقة وقلم ارسم عيونه باقي شي قليل واضبطهن تمام
اكو بيهن نظرة احبها احسها مختلفة بس قليل كلش المحها وجاي اركز بيها بالرسمة

خرب الهامي وحسي الفني  بالرسم مايجي الا هسه اريد اقرأ
شمرت القلم عني وضميت الورقة واعده نفسي الي تطلب مني اخالف عقلي واني بكل طاقتي اطرد وساوسها لازم تتركني اقرأ وارجع ارسم بعدها بشكل اجمل

المشكلة هذه اللحظات الي يجيني واهس ابدع بيها
ماتتكرر ع طول بس وي عيونه لا نكررها غصب

لعنت الشيطان وعليت صوتي بالقراءة حتى اركز بدون تشتيت

اني الحمدلله محافظة على مستواي الدراسي واحنا بصورة عامة كلنا زينين  حسن اني اخواني البقية كلنا شطار وصاير بينا تنافس ايجابي ع الدرجات والدراسة  حتى وجن حبيبتي رغم قليل تقرأ واغلب وقتها تلعب وتشاكس بس كلش شاطرة.

كملت قرايتي وماصدگت الزم الورقة وبديت ارسم بحذر واخط الخطوط الرئيسية واحاول ارسمها بأدق التفاصيل واكيد ماتكمل اليوم ولا باجر ارسم بدقة وعلى راحتي افضل

هسه اني ليش اهتم الهذه الدرجة بي
ركزت بالخطوط خاص من يم محجر العين

اخر مره شفته ما نسيت نفسي واني اباوعله لاباوعت متعمده   لأن شفته ممنتبه اخذت راحتي حتى احفظ ملامحه زين

بس بوقتها بعد تركيز طويل مني اكو نظرة باوعلي بيها لحظات وشح نظره عني واني هم

هي هاي النظرة ام اللحظات العجبتني مااعرف احس بشي يدغدغ معدتي  من اتذكرها وهذه هي الي اريد اضبطها بالرسمة
واني مندمجه صاحتني ماما

.. ماس

.. ها ماما

.. تعالي حبيبتي يعني غير تجين اصيحج حتى اسمع صوتج اني

ضحكت اني عود اريد اغلس اجاوب

.. ها ماما
وكل مره ماما تكلي اصيحج حتى اسمع صوتج ليش متجين

گمت فتحت شعري ورجعت لميته بعد ماظافرته بس مشطته وهاي اني شعري على خالاتي زمرد وفيروز طويل وثخين
خالة زمرد رغم جابت اربع اطفال شعرها نفسه بس الي اعرفه عمو يحبه وحيل يهتم باي شي يخصه زيوت شامبو افضل  النوعيات يشتريلها واكثرهن امان حتى تبقى محافظه عليه
اني هم احب شعري عكس خالة فيروز الي تبجي منه وتتمنى تگصه بس عمو مؤمن ميقبل ويتعارك وياها لو جابتله موضوع الگص واني اكيد اتضامن وياه اكثر شي احبه الشعر