يسعد مساء الغوالي
رجعت وياكم من اليوم النشر بين يوم ويوم راح يكون واتمنى القصه تعجبكم لأنها تحمل بين طياتها الكثير من العبر والمشاعر بين الحلم والواقع الي ينفرض
....
احتاج قلباً يحتويني كلما طرق الأسى أبوابي
احتاج قلباً استظل بظله حتى إذا
فاضت دموعي لحضةً
القي السنين وراءهُ واتى اليه مهرولاً يحنو على قلبي ويسأل مابي
للمبدعه @Mosilm_AL
................. ................. .................
سنة ٢٠٠٩
گاعده اخيط ع المكينه مشغوله بمجموعة اقمشه مفصلتهن العروسه ومستعجله عليهن
بالي يم امي الحجيه تعبانه اليوم شويه. يمكن ضغطها مرتفع
صحت فيروز
.. روحي شوفي امي الحجيه گعدت لو بعد.. متطوول هوايه هي ابويه وصاني عليها وطلع
راحت تشوفها فيروز وجهالي يمي يتعاندون بينهم حسن ميريدها تلعب وياه وهي تموت عليه متتحرك الا وياه ومتحب احد گده اساسا ماعدهم اصدقاء غير بعضهم
حاجيته بعد ماحسيته يتعزز عليها لأن يعرف هي متعلقه بي وهو يحس نفسه كبر يريد يمشي كلمته وكل عمره ٩ سنين
.. لك ماما حسن حبيبي انت اخ تعرف شنو اخ
يعني نعمه من ربي العالمين الها وهي نعمه الك وواجبك تحميها وتفرحها اذا تسوي هيج بابا يفرح وهو بالجنه جاي يشوفك
باوع من الشباك رفع راسه للسماء كل نيته يشوفه منها واقتنع ابو يشوفه نظرلها نظرة محبه مبتسم وهي عيونها تترقب ردة فعله
تنهدت حسرة بداخلي وراسمه بسمه على وجهي حتى اشجعهم
.. بوسها ماما.. حبيبي انت سند الها هي ماعدها اب انت ابوها تعتبرك صح مابينكم فرق هوايه بس انت تعوض مكانه وتغنيها عن كلشي صير بطل مثل مااني رايدتك وبابا جان متمنيك
اتقرب عليها باسها واتبادلوو الاحضان زادت حسرتي وامنياتي.. اتمنيت يشوفهم صدك يفرح بيهم يحس بيه اتمنيت اشوفه واسئله حبيبي اني وفيت ربيت مثل متريدهم؟
انت حنين وجاي احاول اخلي ابينهم حنيه
مثل حنيتك انت واخوتك
اندگت الباب البره واجت فيروز گالت بيبي گعدت
كمت اشوف الباب سبقني حسن ميقبل اني افتح الباب هو عود كبير وابويه يگله انت رجال البيت من بعدي
طلع فتحه واني الف شالي ولبست صايتي لأن ثوبي قصير
سمعت صوته يضحك ويصيح بصوت عالي
.. ماما اجت بيبي وعموو مؤيد وعموو مرتضى
فرحت بجيتهم طلعت استقبلهم
دائما هم يجونه بعد الي صار اني ابد ماوصلت هناك لأن بسببها صارتلي صدمه وطولت واني اعالج صرت اخاف اوصل هناك وهم يقدرون هالشي
ع طول يجونه يشوفوني اني والجهال وعمتي هم تجي تشوف امها الي هي بيبي
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
