حين تحلق الفراشات

64

مساد الخيرات حبايبي ♥️

البارت طويل اكثر من ٤٠٠٠ كلمة

....

يأخذني كل شيء اليك
تلك النغمات في صوتكَ
أحبها
حين تطربني بأرق الكلمات
وحين القاك
تخطف أنفاسي
وتتسارع دقات قلبي فرحاً
شوق
وحب
وخوف
تجتمع في مشاعري
تكون بلسماً
او ألماً
وكل تعابيري مرهونه بك

للرائعة ام جود😍♥️

.....
بعد ماجابو يحيى مخيطين جبهته غرزتين
جدو وعمو مؤمن راحو البيت اهلها يفهمون شنو الموضوع

بيبي نعت وبجت حد مااتخربطت وركضن بيها للمستشفى ماما وعمة رنا اخذهن ابن جيرانا بسيارته
ظلينا بنار منا وضع بيبي ام علي ومنا بيبي الحجية من شافت وضع بتها هم تعبت حد ماارتفع ضغطها خالة فيروز انطتها علاجها وخدرتلها چاي نومي ينزل ضغطها
هدأ جود بحضني خليته يمي وغسلت اديه اني وخاله وگعدنا  نكمل الكليچه حتى نوزعها بثواب بابا وعمو بيبي اذا اجت ولكتنا تاركيها تضوج وهي ماتتحمل قهر بعد عادتها توزع برجب

نشتغل بيها وبالنا يمهم نريد نعرف عمو وجدو شنو سوو شو تاخرو عدهم 
رجعو صايرين اعصاب

عمو مؤمن گال

.. اهلها ظلام وهمج وهي مو مال جهال ماتستاهل تكون ام خصم الكلام جهال المرحوم ربوهم انتو ولاتحرمون امهم منهم خلوهم يمكم وخل تشوفهم ساعة ساعتين باليوم

ظلو هو وجدو يحجون بخصوص هالموضوع
انتبهت زمزم بجت من سمعت كلامهم يعني جاي تفهم الكلام عنهم

صحت لارا تترك من ايدها وتاخذها تشغل بالها باي شي او تلعبها ولو هي صعب تندمج اذا مرايده من ذاتها اللعب.

بقو هم گاعدين يمنه وخاله فيروز تحشي العجين بالتمر وتسأل عمو تگله خاف يومين وكالو جيبوهم امهم تريدهم وبس بهذال للجهال وقهر العمتي ومؤيد

جاوبها
ابوها يگول من باجر امشو بمعاملة نقل الوصاية منها العمهم ظل عمو يشرح شنو لازم مؤيد يسوي يوكل محامي وتسويله تنازل هي الظاهر اهلها يردون يزوجوها خل يخلص مؤيد مينام الليل من خوفه عليهم خل يخليهم گدام عينه احسن.

اني مركزة وي كل كلمة يحچيها عمو وبالي يم عمو مرتضى مايستاهل هيج جهاله يتعذبون بعده لو هو موجود هم تذبهم امهم

بعدين فكرت شگد احنا محظوظين بماما مو بس احنا حتى بابا صار اكثر من ١٧ سنة على وفاته وماما متگدر تتقبل فكرة تكون الغيرة ولا يوم قصرت بحقنا وفكرت بنفسها

اوووف ياعمو جرحك ولا انساه حياتك بكفة والسنة ونص بعد وفاتك شنو مر على جهالك وعلينا بكفة 

انتبهت العمو مؤمن  وهو يحجي عينه صارت عليه ركز بيه نظراته مكانت عادية  استحيت
كمت غيرت مكاني ماكعدت يمهم سويت نفسي اراقب الفرن