حين تحلق الفراشات

66

مساء الخيرات ♥️

البارت تعويض عن بارتين

القصة مباقيلها هواي واحاول اخلصها بهالايام
اعتذر اذا حسيتو بملل بس مجبورة مو بأرادتي اتأخر يصيرلي ظرف اما خطار او انشغل عندي حالة مرضية وتحتاج رعاية اطفال وامتحانات مو فارغة يعني والي عاذريني بالقلب♥️ انتم

اذا اكو سحگ عبروه 🙃

....

عمتي خبصتنا وهي تحاجي نور
اسمعها تكلها سودة عليه عمة جايتج عمت عيني وظلت تغلط على علي!

اول مرة تسويها علي عد عمتي حالة حال مؤمن ابن اخوها ورابي عدهم ولحد الآن اليوم الي ميجينا بي علي حتى اني اسأل ليش وشعجب ومرات هو يمنا ومؤمن يروح وياه عبالك متعمدين واحد يوصل الثاني
خاص بعد استشهاد مرتضى الله يرحمه مؤمن حيل اتعلق بي ازيد من قبل وانضم الهم حسين بوقت اجازته وحسن قبل ليدخل السادس حالياً الدراسة ماخذه كل وقته

اباوع العمتي ترجف من العصبية وهي تلبس جواريبها وصاحت عليه انطيني العباية
كمت انطيها وفواطم تكلها عمه ان شاءالله ماكو شي ع كيفج
مؤمن يتصل بعلي وهو ميرد
اخر شي ردت عليه نور وهو فهم منها علي ناسي فونه تحاجيه هي يگلها بس اسكتي ع كيفج جايينج هسه
وهو الثاني هم نزل سب على علي!!

طلعو بسرعة ظل بالي يم نور اكيد علي مأذيها والا متهجمو عليه بهالطريقة

اني وفواطم نسينا سالفتنا وبالنا ظل يمهم
نص ساعة فاتت نور وياهم واولادها عند مؤمن حسين بايده لازمه والثاني شايلة
وهي طرف شفتها مدمه ووجهه واضحه عليه اثار الضرب من شافتنا كمنالها اني وفواطم گامت تناشغ مكسورة بصدرها العبرة
فواطم ماطولت بس سلمت عليها وحاولت تهدأها وراحت البيتها تاركه نور تاخذ راحتها وتحجي المشكلة

نور علاقتها بفواطم علاقة استاذة بطالبة بينهن احترام وبس هي استاذتها بالدروس الحوزوية
واساسا هي العرفتني بيها
بس مابينهن ميانة من شافت فواطم انسحبت حسيتها ارتاحت وفواطم كانت مقدرة الموقف الظاهر

مؤمن اشرلي اخذها يمي اهدأها وافهم منها
خليتها تفوت للغرفة وارد اجيبلها مي اتصل هو بحسام ومن جاوبه حسام

  كله شنو هالهوسة
مااعرف شنو جاوبه حسام بس افتهمت من كلام مؤمن علي متخبل عليهم هم

اخذ سويج سيارته وطلع مستعجل
رحت النور لكيتها تباوع باديها ورجليها اثار كيبل شاحن مشطب جسمها

.. نور شصايرلج احجيلي ليش علي هيج ماذيج

واني احجي وياها فاتت عمتي وبايدها علاجها وكوب مي
شربت حبوب الضغط ومدت رجليها تعبانه
وبتعب سألتها

.. شجاه علي هيج متخبل عليج

نور بس تبجي وعمتي دارت عليه