يسعد صباحكم ❤️
شايفين من تحضرين شي من وكت تقدمي ويجيج احد يخرب كلشي هذا الصار وياي المهم البارت اكثر من ٥٠٠٠ كلمة
بدون مراجعه طبعا انتو ترجموو 😁
......
فيروز
جنت مختنكه حيل مو منه مخنوكه من وضعي والموقف الي انخلينه بي اثنينه سويت مثل ماطلب مني لبست حجابي وعباتي ورتبت نفسي هو يباوعلي عيونه تتنقل ويايه
كملت كال يلله نطلع
مشيت قبله ماحاسه ع نفسي صاحني
.. حبيبتي تليفونج اخذي كلشي يصير خاف احد يتصل عليج
اخذته بدون ماافتح واشوف شبي او منو يتصل
طلعت وهو ويايه قفل البيبان لاكانه عمي بالباب يريد يقفل بابهم البره
طلع النه مستغرب
.. ها بويه وين ماخذ مرتك بهالليل.. بويه فيروز شلونج
جاوبه مؤمن
.. ماماخذها نطلع شويه ونرجع مارايحين المكان
اتقرب عليه عمي باس راسي
.. شلونج بنيتي
.. الحمدلله عمي زينه
.. دومكم ان شاءالله يلله بويه اتوكلوو
صعد هو وصعدت يمه
.. بيش الساعه هسه ليش منرجع الوقت متأخر
.. ناسنه الكبار تنام من وكت ومجبوره الشباب تدخل اغلب الاباء تعبر ساعه الهدعش بعد ميطببولهم ولد الا بسين وجيم هههه انه وياج بكيفنه ماالنه ابوو شتكولين
ابتسمت اله واتذكرت ابويه شكد اتصل بيه اليوم رادني اروح يمهم كتله هنا اريحلي اني متأكده هو بالمشيه حاضر
سألته عنه
.. هم شفت بابا اتصل بيه كومه حتى اروح يمهم اليوم وكتله هنا مرتاحه
اتنهد واختفت ابتسامته
.. اي شفته و وصاني عليج بالهم يمج
.. تحتاج وصيه انت!
.. شتكولين انتي.. حالهم مثل اليوصي واحد على روحه
.. اكو هوايه ماهمهم روحهم مثل ميهمهم غيرهم مثلا انت هسه حالك حال روحي طبعا لا
اتحسر وجاوب
.. انه اهم من روحج عندج صح وانتي حبج الي اكثر بس يشهد الله شكد جنت احبج من هذا اليوم وملكاج الي بعد ماطبيتلج حبج صار وراح يصير اضعاف.. يمكن انتي دعوة امي الي
مو يمكن اكيد
.. حبيبي الله يحفظك ويرزقك الي تتمناه
.. امين يارب اني وانتي
سكتنه وهو يسوق نزل عن الشارع
..تحبين اعلمج تسوقين
..ياريت يوميه توعدني و تأجل وعدك الي
أنت تقرأ
حين تحلق الفراشات
ChickLitثلاث درات لرجل كرس حياته ليرعاهن شذرات براقات صلبات القوام يحملن رقة الفراش
