حين تحلق الفراشات

8

ردت اگلك
لذت الدنيا برگبتك
واستحيت وظلت بنفسي شبگتك.....

.........

فيروز...

الصبح من وكت كملنه كلشي زمرد اتولت كل المهام بهذا اليوم اكتشفت نفسي اشبه بيبي صراحه!
نفس التصرفات بس حتى بعد اكتشافي غلست لأن زمرد لو ماقلبها واسع وتتعامل وي الاحداث ابرود جان اتبرت مني وتركتني خبلتها خطيه بس مو بأيدي اني طبيعتي حركه وكولت بيبي عندي حروره بكلبي يعني ماارتاح اذا الشغله مو ع ايدي ومزاجي والمشكله مجاي الحك ذبيت التوتر كله بزمرد كل شويه جايتها وهي شنو اكلها تنفذ خطيه ابد معاندتني حبيبتي اختي بهذا اليوم عوضتني عن صديقه وعن ام وعن ياقوت الي مفتقدتها حيل َهي الثانيه ابد متركتني كل شويه تتصل
بس المشكله الله سبحانه مسلط ناس على ناس مثل ميكولون اهلنه اني محتاره بروحي واريد اطلع وابالي فستان عجبني وخفت لينحجز قبلي
بطلعتي بيبي صاحتني

.. فيروز دوريلي عصابتي الزينه وشيلتي البريسم الأصليه

.. بيبي اني مستعجله خل زمرد تشوفها لو انتي ع راحتج دوريها وين تروح قابل

.. يمه يمه يبنات هالوكت مفرفحات ع العرس شبيج هيج طايره اول وتالي تعرسين شويه خجل حيا ابوج بعده هنا وانتي تفرفرين ماكلتي عيب منه اسوي روحي ثكيله 

.. شنو العيب يابيبي رايحه للصالون يعني اطلعله بعطوبي ذني والله مستحيه بعدين شنو الحيا كلنه ع هذا الطريق الزواج مكتوب علينه حاله حال الموت

.. تف تف انطيني  ماي كومي زمزم خل ارشها العوبه هاي برد شرج موت انوب ماتحجيلج حجايه عدله يساعد الله امل من دردها  صرتي جنتها

ضحكت امل تقصد عمتي ام مؤمن

هزيت ايدي والله ياربي

ظلت مستمره تحجي ورحت البوفيتها دورت كل شويه بقجه تطلع لكيت شيلتها واعصابتها انطيتها وهي مستمره انوب من لبست  كالت شكرا حبوبه
من وصلت للباب اسمعها تكل الزمرد

.. اختج هاي ودها تهوس مااريد العشه زفوني

رجعت عليها

.. مااريد العرس خلوني يلاه ارتاحيتي

نزعت عبايتي عن راسي 

.. هااها المن اني جابره نفسي واقنعها بكلامج وكلتي اقارب والغريب ذيب وهذا سبع وهالسوالف اظل هيج احسن
صح شكوو مستعجله ومتزوجه

.. يا يا انجبي ولج لاتسويلج سالفه تجلطين ابوج تردين.. شلج بالكعده شهاده وماخذتها بعد شكوو

.. عجيب مو انتي تحجين عليه تكولين مامصدكه تعرس ها اها بطلت مااريد العرس

.. ولج ياهو حاجي عليج كومي ولج روحي خايبه فيروز ولج كومي