حين تحلق الفراشات

15

‏هناك أسطورة...️
‏تقول أن الشمس والقمر كانا مغرمان ببعضهما، ولكن لم يستطيعا أبدا أن يكونا معاً لاختلاف توقيتهما...
‏لذلك خلق الله "الكسوف"... كي يبرهن أن لايوجد حب مستحيل في هذه الدنيا...
‏يتباعدان عمراً ...ليلتقيا.... ساعتان ....ويعبران عن الحب العميق "بالتعانق"

........... ....... ...... ...............

اول مدخلوها اتصلت برنا محتاجه ملابس الها وكم غرض ممجهزين العملية احنه.. خطيه مقصرت هي كالت اخلي مرتضى يلحكم بيهن
بعدها بقينه ننتظر لما طلعت الطبيبه واستدعتنا دخلنه للطبيبه وانصدمنه بحجيها اني
متت بجي من سمعت اكو هيج احتمال اباوع المؤمن مصدوم ممستوعب الكلام عاد السؤال ع الطبيبه وشرحتله الوضع من جديد
كلها يعني مابيها مجال تتعالج بدون رفع نهائيا ع الأقل طفل واحد ننطيها فرصه

.. حاليا كلشي حجيته قابل للتفنيد يمكن تليفات وعقد حميده تتعالج وماكو اي اشكال بيها
بس الاورام الي عد زوجتك وسرعة تطورهن وكبر حجمهن بفتره قياسيه تخليني افكر بهالاحتمال لأن هالنوع من الاورام نادر نموه سريع جداً متكون ع الاورده المراجعه القبلها ابد مجانت هيج

..دكتوره الي تشوفوه سووه باسرع وقت اهم شي صحتها وسلامتها

طلعنه اني مااشوف من دموعي هي بعدهي بالبنج من تصحى شحجي الها وشلون تتقبل هالشي يارب رحمتك
ياريت بيه ولا بيج ع الاقل اني عندي خير من الله ومكتفيه مو انتي بعدج عروس
باوعت مؤمن عيونه مليانه خوف وقهر حسيته خايف حيل الدرجة الرعب
قابض ايد بايد منتظريها تصحى

باوعلي محتار وصوته مخنوك حيل

.. خل نشوفها صحت

رحنالها بعدهي بالبنج بعد فتره ظلت تحجي كلام ممفهوم واسم مؤمن كررته مرتين
ظل قريب يمها لازم كف ايدها باسها وظل يحاجيها

.. فيروزه حبيبتي صحيتي.. تسمعيني

فتحت عيونها بعد ممتوازنه مبينه من نظرتها كتلها غمضي ارتاحي

شويه وصحت

حاجاها مؤمن

.. حبيبه يوجعج شي تحسين بشي

اشرتله براسها متوجعه شويه اجت الطبيبه تراقب حالتها كالت كلش زينه وترى لان دايخه وهالالم طبيعي تحس بي بعد شويه تكدر تطلع مابيها شي
فتحت عيونها بتعب ابتسم الها

.. الحمدلله على سلامتج

.. الله يسلمك

حجتها بثكل السانها بعده ثكيل من البنج

اتقربت عليها اني بستها ودموعي مااكدر اسيطر عليها خوف مو طبيعي خفت

اشرلي يسكتني وهي تكلي شبيج

.. مابيه حبيبتي فرحانه بسلامتج

بقيت يمها وهو احتاجو يكمل الاجرائات وصلوو مرتضى وعمتي ام مؤمن خطيه خايفه وتسأل ليش وشكو مؤمن كلها ادعيلها يمه واكتفى بهالكلمتين بس
حجاها بعبره وطلع واني دموعي يردن الهن حجه وهي ويايه بجت قبل لتفهم شكوو حجيتلها مخاوفهم كالت ابد لتبينون الها ترتاح وتطلع النتيجه زينه ان شاءالله وماتحتاج اي جراحه
كل شويه تكول حشا لله يحرم مؤمن الخلفه حشا لله
انه كلي امل بربي الما ايست منه يوم
بيومها طلعنه العصر كلش عدلتلها فراشها ورتبته نامت ارتاحت
طلعت عنها وفاتلها مؤمن
اتصلت برنا اسألها ع الجهال وزمرد
جاوبتني زمرد رغم متحاجيني وزعلانه.. ردت عليه