حين تحلق الفراشات

62

مساء الخير حبايب ♥️

....

ماس..
بعدني اريد ارد عليه واتفلسف شويه واكله انت شنو شفت مني حتى هيج واثق وتطلب مني اصبر شمسوية اني!؟

اجاني منه حظر ذهلني وصدمني متت قهر
هاي ليش الحظر

رجعت للكلام قريته يمكن عشر مرات
هو كاتب يحفظج الي!؟
ضايف ياء التملك يعني هو هم يحبني حتى كاتب نصبر بالنون اهم شي النون حيل حبيتها

بعدين الرسمة شنو وين شافها وشمدريه اني راسمتها
خرب حظي عايشة جو الشهرة للفنانين وموقعه

وجهي صار نار صخنت والله
طلعت غسلت وجهي افتريت خل اروح افوت لايطلع عمو مؤمن شعندي افتر هسه

رجعت مااكدر انام ولا اكعد ولا اعرف شسوي
شو فرحانه وضايجه وفشلانه

كل هالمشاعر بيه بس الفرحة غالبة شويه وتتوازه وي الخجل من الموقف شگد غثيث ليش حظرتني شبيك

هاي يمكن ميريد يحاجيني الخاطر اهلي واهله والعلاقة البينا

بس حظر! مو حظر يمعود جان تاركه اشوف نشرك اني صار كومه اريد الكف صفحته اشوفه شينشر ماكو معرفتها.
خرب حظي عبالك احلم ماجاي استوعب كلامه والنهاية الي اتفشل

بليلتها مانمت للصبح وبس صارت السبعة طلع عمو مؤمن وخالة فيروز اسمع حركتهم
گلت اطلع احسن ودي افتر اسوي شي اريد شي يشغلني من التفكير وعيوني الراحت كد ماقريت الكاتبه الحد ماطفى الفون شحن

بعدني ابداية الغرفة شفت مواضيع طيور الحب مو مال اگابلهم ع الريوگ مبينين منسجمين وكله غزل من الصبح
عمو يتغزل باصابع خالة فيروز مدري شجاريله
يمكن اليوم شايفهن

شلت فراشي لميته ورتبت المكان كعدت بيبي ام مؤمن
سوتلي فرج من طلعت طلعت وياها

بيومها ماخليت خالة فيروز تشتغل بس طبخت وشكو شغل خلصته حتى تعزيل عزلت

عود اطبق خطة من خطط الهروب من الأفكار مثل ماقريت بكتاب السارة گالت يفيدج اني ماعجبني الصراحة بالي يم رواية من رواياتها
قريتها للنص ومن شفتها تجرد كتبها وحاجاتها قبل لتروح للاقسام رجعته بدون ماتنتبه واني ع اساس اساعدها
حبت تثمن جهودي انطتني كتاب صغير تكول ينمي افكارج وكل شويه كالت قريتي حتى نتناقش شطد لحت بساعتها
حتى اخلص منها قريت هذا الموضوع وناقشتها بي وخلصت

حبيت اطبقه اليوم
بلكي اهرب بس الظاهر الموضوع مصر وراكض وراي

اني ميته قهر افكر شلون حظرني قبل لا اجاوب
  لكيت نفسي واني امسح بالجام افرك بي بقوة زين ماكسرته ذابه قهري بي

ماكو حل لا هروب ولا شي خل افكر بالشي الحبيته

ياء التملك
فديت القواعد اموت بالعربي اني.