حين تحلق الفراشات

70

يسعد صباحكم ❤️

....

زمرد..

بعد ولادتي للتوم الصغار ومتطلبات الدراسة لمحمد ودخول التوم مروان وروان سنة اولى دراسة
احس بتعب هلاك مو تعب عادي النوم صرت احلم بيه عناية بنفسي نسيتها وصلت مرحلة اسبح ماالحگ امشط شعري الفه وع نومتهم يلا امشطه حسين ووكاحته وفرته بالبيت
صار عليه ضغط مو طبيعي جهاد يساعدني الحمدلله

صار اسبوع هو سافر الولاية ثانية وكان سفره ضروري حرفياً ضعت ماالحك على كلشي اتبهذلت بالجهال من اوصلهم لازم ابدل للكل اخذهم وارجعهم
الوجبة الاسويها اطفيها مرتين او تلاثه بين مااسكتهم
اليوم  الملابس اتكومت عليه تعبت من الفرة واحس كلشي ممسوية يومي وين مااعرف
شغلت الغسالة وگمت الم البيت اريد اسيطر على نظامه وبعدها ارتب نفسي اليوم موعد جيته ساعات وينورنا اله وحشه اني بدونه اتعب نفسياً وجسدياً لميت البيت ملاعيب الاطفال
اتنفست براحة واني اشوف البيت مرتب مثل مااريد
رحت اخذ ملابس النفسي عاط حسين عليه شاكي من روان الي مقنعتها تلعب وياه بهدوء بين مااكمل

گعدو التوم اثنينهم نفس البچية
حاولت انيمهم اتنحسو صارو يبچون زياده اباوع للساعة راح يوصل واني العب النفس وهو نظيف وروحه بالنظافة وذوله شعلوني شعل ابجيهم
مالگيت حل غير ابچي وياهم دمعتي اقرب الي من كلشي

اني مامتبطره على نعمة ربي مثل ميحجولي كل مااگول تعبت بالعكس حامدته وشاكرته بس انهد حيلي والله

باوعت للساعة هسه ميريد ترتيب ومكياج مني بس اريد وجهي بي خير مو الاگيه وجهي يلطم وكفشتي شحالها

انوب اتذكرت شياكته ونظافته وجماله والأشكال الي وياه متت قهر زيادة واني صايرة اغار واموت غيرة عليه اشوفه مهتم بنفسه اكثر رياضة واكل بنظام واني الحمدلله اكلي الصحي الي هو حمية من نوبات السكر خلن جسمي نظامي وكدرت ارجع الوزني بعد الولادة عدا البطن الي بارزة بجسمي بسبب حملي وولاداتي
وهم مو كبيرة حيل بس مبينه وواضحة وماعندي وكت حتى اطالبه ادخل قاعات والتزم بنظام معين الحرق الدهون بهذه المنطقة نفسي تشتهي وايدي مطول

ادري اطير خو مااطير يارب ساعدني مسحت دموعي

متربعه وهم بحضني  صح مقهورة وحالتي تخلي خاطري ينكسر على نفسي بس نظراتهم البريئة  خلتني ابتسم وشحنتني طاقة من شفتهم مركزين بيه عبالك يشكّوني ويگلولي صبري علينا ماما صح تعبناج بس مو ذنبنا هذا مدام خلفتونا الهالدنيا شيلو همنا واتحملو بدون ماتتذمرون

بستهم ذوله الاثنين نسخة مني خاص يُمنى وابوها حيل متعلق بيها ومن يشوفني احجي بسبب تعبي يكلي استغفري ربج وگومي اكو احلى من هالنعمة

وصيت روان

.. ماما حبيبتي انتبهيلهم بس حسين لينطيهم شي اكله او شي حتى لو بجو معليج لتشيلين احد منهم بس راقبيهم زين ماما