حين تحلق الفراشات

72

كل عام وجيشنا الباسل بالف خير

..........
يسعد مسائكم ♥️

البارت هذا عبارة عن ٣ بارتات لأن بي احداث مااريد اطول بيها بس هو هم طويل قريب لل٧٠٠٠ كلمة

مااريد بي اي تجاوز رجاءًا اتناولت الموضوع من الناحية الاجتماعية  مجيبورة لأن يخص عائلة وبي مواقف مهمة مرتبطه بيها والا السياسة مااحب مناكفاتها

........

مَتى مِن طول ِنَزْفِكَ تَستَريحُ
سَلامًا أيُّها الوَطَنُ الجَريحُ
تَشابَكَت النِّصالُ عليكَ تَهوي
وأنتَ بكلِّ مُنعَطَفٍ تَصيحُ
وَضَجَّ المَوتُ في أهليكَ حتى
كأنْ أشلاؤهُم وَرَقٌ وَريح
وَيا ذا المُستَباحُ المُستَبيحُ
تَعَثَّرَ أهلُه ُبَعضٌ ببَعض ٍ
ذ َبيحٌ غاصَ في دَمِه ِذَبيحُ
وأدري كبرياؤكَ لا تُدانَى
يَطيحُ الخافِقان ِوَلا تَطيحُ

               ********************

ماس..

الحمدلله وبفضل ابد مكان عندي لعبان نفس قوي الصبح تصير عندي دوخة اعياء قليل ومن اكل بسكت مالح وحليب باكيت صغير يتحسن وضعي ماطول دوامي اول شهرين الحملي امتحنت ونجحت وعطلت

شگد مكانت حياتي حلوة بعد حملي حلت اكثر حسيت نفسي مستقرة

كان خوفي على حسين تصير عليهم تعرضات بس قليلة بهذه الفترة حكمو سيطرتهم على المناطق الخطرة

من عرف الشيخ  والحجية بحملي حيل فرحو واخوته هو اتصلو باركوله
الشيخ اجاني ثاني يوم وهو گاعد يمي كتبلي حجاب وگلي لتذبيه هذا للحفظ الج وللجنين

حسن الحمدلله نجح رغم تسخيته متوقعته ماينجح ع المقاطع الي ينزلها بقسمهم هو وجماعته مقالب اغاني دگ يوم عالگيها طك اصبع ودف وغنى يوم لطم حسيتهم مو صاحين بس الصراحة يونسون ومونسين نفسهم 

بهذه الفترة هو يحس بلارا بادية تلين وهي من اسألها  متنطي جواب نهائي احسها ماتعرف شنو تريد وهذا قلقني اكثر لأن حسيته متأمل وفرحان وخفت لتتراجع ويدخل بصدمة

كتله اتركها للوكت هي تبينلك انت العليك سويته واثنينكم طريقكم طويل هي تكمل سادس وانت بعدك ع الأقل اخر سنة الك يلا تفكر تتزوج او تكمل
دراستك فد مرة

جانت عنده عطلة واني اروحلهم بيبي تعبانة وماما طول وقتها يمها وصايرة كبيرة وبادية تخاف تفكر ويتخيل الها

القهر  تفكر حسن ممكن يأذيها بعد ماخلصت اني استلمته هو

وهالمرة اتهامات اقوى مو شغلة ضياع اغراض تافهه

بيوم شايفه ماما وجدو يتابعون تقرير على احدى القنوات
كشف جريمة مرية بمناطق اطراف بغداد فقيرة وبناتها بعيد عنها ساكنة وحدها ومااعرف ابن اخوها مااعرف ابن بتها وجيرانها  خانگيها بحبل علمود راتبها وهي ضريرة ومتشوف من هذا اليوم بيبي گامت  تخاف من حسن