حين تحلق الفراشات

12

يسعد صباحكم.. ولو ع هالكهرباء ماكو سعاده دمار انوب اني صار يومين مولد عاطله توها اجت 😑
...

شنطوك..؟.. ونطيت الما هِون غيرك

يعايفني

اضل چم دوب اشد حيلي بتصاويرك

....
زمرد..

طلعوو هم وفيروز اخذت راحتها بالهلاهل
يضحكن بيبي وياقوت وهي تهوس وتركص وبيبي تكلها

.. اي عفيه فرحي اختج فرحنها بفرحجن

اجه بابا كلها مؤمن يريدج
راحتله للأستقبال

بايا باسني وباركلي كعد وصاح يمه حسن وماس
خلاهم بحضنه يبوس بيهم
مشتاقلهم وهم مشتاقيله اكثر
ياقوت جانت ضايجه من اخر مكالمه وي رنا مافهمت شصاير بس هي مزعوجه

حاجاها بابا شافها شارد بالها

.. ياقوت شلونج بابا البارحه ماكعدت وياج مرتاحه هناك

.. الحمدلله يابه بخير مرتاحه ان شاءالله

.. حسن شلونه وياج خو مامتعبج

يسألها ويبوس بي

.. الحمدلله حسن سبع ويسمع الكلمه

ضحك هو فرحان بكلام امه

وماس خلت نفسها

.. واني جدوو اسألها عليه راح اتكلك حبابه وتساعدني

اتحول الموضوع النقاش بين حسن واخته واحنه نضحك

حسن.. بشنو تساعديها اشوو تكصكين وصل وتوصخين وهي تنظف وراج لتجذبين ماس عيب وحرام الجذب انتي تأذين ماما متساعدين

.. انت شعليك والله اساعدها من تعطش اجيب الها مي ومرات اعدل شعرها حتى ميطلع من حجابها
وهم مرات الم جواريبك انت المهمل

.. منو مهمل مو مهمل اني

.. كافي ماما اثنيكم شاطرين يتورط اليحجي وياكم شبيكم

حاجاها ابويه

.. خليهم بابا خليهم براحتهم ممسوين شي

ظل يحجي وياهم ويلعبهم.

كمت اني ابدل وارتاح
الهسه مامصدگه عقدت وجهاد صار حلالي وصرت حلاله
اتنفست براحه
شكد حلوو ياربي شكد احبك بحيث ذكراك يفزز بروحي مشاعر لو اعيش عمر بدونك مااحس بيهن

اتمددت وابالي ارسم ملامحه فرحته بدخلته عليه الكلام الهمسه الي رغم هو ضاج من ملحة اهله ضوجته مطولت دقايق ورجع النفس الشعور ملامحه تشع فرح

رن التليفون بأيدي

جاوبت واني متمدده

َ.. يولي مشبعت منج واخجل ارجع الكم هسه عيب من ابوج وكرابتكم